Eknath Shinde Hospital Photo : हाताला सलाईन, समोर लॅपटॉप अन्....; रुग्णालयातील एकनाथ शिंदे यांचा पहिला फोटो आला समोर

Eknath Shinde News : उपमुख्यमंत्री एकनाथ शिंदे यांना शनिवारी रात्री ठाण्यातील खासगी रुग्णालयात दाखल करण्यात आले आहे. मंगळवारपर्यंत त्यांना रुग्णालयातच राहावे लागणार आहे. अशक्तपणा आणि तापामुळे त्यांना रुग्णालयात दाखल करण्यात आल्याची माहिती आहे. दरम्यान, रुग्णालयात असले तरी राज्यात पावसाळे होणाऱ्या अडचणींचा आढावा घेत अधिकाऱ्यांना सुचना केल्या.

रुग्णालयातून अधिकाऱ्यांची ते ऑनलाईन मिटींग घेत असल्याचा फोटो समोर आला आहे. या फोटोमध्ये शिंदें यांच्या हाताला सलाईनचे कॅन्युला (IV) लावल्याचे दिसून असून त्यांच्या समोर लॅपटाॅप असल्याचे दिसत आहे. त्यांच्या खाटेच्या बाजुला असलेल्या टेबलावर काही औषधे आणि इंजेक्शन ठेवल्याचे देखील फोटोत दिसत आहे.

शिंदे रुग्णालयात शनिवारी दाखल झाल्यानंतर मंत्री संजय शिरसाट यांनी सांगितले होते की, त्यांनी सांगितले होते की, उपमुख्यमंत्री शिंदें यांना 3 दिवस तिथेच (रुग्णालयात) राहावे लागेल. त्यांचा काश्मीर दौराही रद्द करण्यात आला आहे. रुग्णालयात असेल तरी त्यांनी राज्यातील पावसाचा आढाव घेतला. त्यांच्या स्वभावात शांत बसणे नाही.

आराम करण्याचा सल्ला

मिळालेल्या माहितीनुसार, सतत काम आणि झोपेचा अभाव, तसेच अतीताणामुळे त्यांना अशक्तपणा आला होता. त्यातच पावसाळी अधिवेशनात त्यांनी सहभाग घेतला. त्यावेळी त्यांना ताप देखील आला होता. अखेर डाॅक्टरांनी त्यांना घरी उपचार घेण्यापेक्षा रुग्णालयात दाखल होण्याचा सल्ला दिला. तसेच आराम करण्यास सांगितल होते.