Congress Politics : काँग्रेस प्रदेशाध्यक्ष नाना पटोले यांचे राजीनामा अखेर काँग्रेस पक्षश्रेष्ठींनी मंजूर केला आहे. काँग्रेसच्या प्रदेशाध्यक्ष पदाच्या शर्यतीमध्ये सतेज पाटील, विश्वजित कदम, अमित देशमुख यांचे नाव आघाडीवर असताना हर्षवर्धन सपकाळ यांचे नाव नवीन प्रदेशाध्यक्ष म्हणून जाहीर करण्यात आले आहे.
हर्षवर्धन सपकाळ हे बुलढाणा मतदारसंघाचे माजी आमदार आहेत. अखिल भारतीय काँग्रेस कमिटीचे सचिव म्हणून देखील त्यांनी काम केले आहे. बुलढाणा जिल्हा परिषदेचे अध्यक्षपद देखील त्यांनी भूषवले आहेत. ते अनेक वर्षांपासून राष्ट्रीय स्तरावर काम करत होते.
हर्षवर्धन सपकाळ हे राहुल गांधी यांचे विश्वासू म्हणून ओळखले जातात. राहुल गांधी हे काँग्रेसचे उपाध्यक्ष असताना त्यांनी स्थापन केलेल्या कार्यगटाचेसुद्धा ते सदस्य होते. त्यांनी राजीव गांधी पंचायत राज संघटनेचे राष्ट्रीय उपाध्यक्ष म्हणून त्यांनी काम केले आहे. तसेच उत्तराखंड आणि पंजाबसह अनेक राज्यांच्या निवडणुकीत त्यांनी महत्त्वाची भूमिका बजावली आहे.
राहुल गांधी यांना काँग्रेसच्या उपाध्यक्षपदाची जबाबादारी पहिल्यांदा मिळल्यानंतर त्यांनी पक्षात अनेक बदल केले. आपल्या विश्वासू नेत्यांची फळ बांधण्यास त्यांनी सुरुवात केली. त्यावेळी राहुल गांधींच्या यंग ब्रिगेडमध्ये तत्कालीन खासदार राजीव सातव आणि हर्षवर्धन सपकाळ यांची वर्णी लागली होती. राहुल गांधी यांच्या ‘गुड बुक’ मध्ये सपकाळ असल्याचे मानले जाते. त्यांचा प्रवास हा जिल्हा परिषदेचे सदस्य, अध्यक्ष, आमदार, अखिल भारतीय काँग्रेसचे सचिव ते पक्षाचे अखिल भारतीय पंचायत राज संघटनेचे राष्ट्रीय अध्यक्ष पदापर्यंत राहिला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.