Ratnagiri Politics: कुणी कितीही आव्हान देऊ द्या, पण तुम्हीच खासदार होणार; विनायक राऊतांना ग्वाही देत भास्कर जाधवांचा सामंतांना टोला

Shivsena : कोकणात शिवसेना आणि ठाकरे गटातील संघर्ष आणखी वाढण्याची चिन्हे
Bhaskar Jadhav, Vinayak Raut, Uday Samant
Bhaskar Jadhav, Vinayak Raut, Uday SamantSarkarnama
Published on
Updated on

Ratnagiri News : उद्योगमंत्री उदय सामंत यांनी 'पुढचा खासदार कोण होतं ते बघूच..', असे थेट 'चॅलेंज' खासदार विनायक राऊतांना केले होते. या आव्हानाला आता ठाकरे गटाचे नेते आणि आमदार भास्कर जाधव यांनी जोरदार उत्तर देत "कुणी कितीही आव्हान देऊ द्या, पण तुम्हीच (विनायक राऊत) खासदार होणार", अशी ग्वाही विनायक राऊत यांना दिली. त्यामुळे येत्या काळात कोकणात शिवसेना आणि ठाकरे गटातील संघर्ष आणखी वाढण्याची चिन्ह आहेत.

"कुणी आले आणि कुणी गेले तरी चिंता करू नका. कुणी कितीही आव्हान देऊ द्या, मात्र, खासदार म्हणून तुम्हाला पुन्हा निवडून आणूच, आणि रत्नागिरी जिल्ह्यातील पाचही आमदार निवडून आणू", असा विश्वास व्यक्त करत आमदार भास्कर जाधव यांनी विनायक राऊतांना शब्द दिला.

चिपळूण शहर आणि ग्रामीण कार्यकारिणीच्या बैठकीदरम्यान ते बोलत होते. "आज सत्तेत असल्यामुळे त्यांना अंदाज नाही. मात्र, ज्यावेळी हे सर्वजण लोकांमध्ये मत मागायला जातील, त्यावेळी त्यांना योग्य उत्तर मिळेल, असा टोलाही त्यांनी लगावला.

Bhaskar Jadhav, Vinayak Raut, Uday Samant
Sangali Shivsena News : उद्धव ठाकरे गटाच्या तालुका प्रमुखाने भूमी अभिलेख कर्मचाऱ्यांच्या कानशिलात लगावली...

खासदार विनायक राऊत यांनीही राज्य सरकारच्या कारभारावर सडकून टीका केली. तसेच महापालिका निवडणुकीसंदर्भानेही कार्यकर्त्यांना त्यांनी मार्गदर्शन केले. "येथे कसलीही चिंता नसून भास्कर जाधव यांच्या नेतृत्वाखाली जमलेली ही गर्दीच निर्विवाद विजय मिळवून देईल ", असे म्हणत त्यांनी नागरिकांना आश्वस्त केले.

Bhaskar Jadhav, Vinayak Raut, Uday Samant
Dharashiv Politics: धाराशिव लोकसभा मतदारसंघासाठी सर्वच राजकीय पक्षांनी दंड थोपटले; पदाधिकाऱ्यांच्या नियुक्त्यांनाही वेग

शिवसेना आणि राष्ट्रवादी काँग्रेसच्या फुटीनंतर राज्यातील राजकीय समीकरणे बदलली आहेत. अनेक मतदारसंघात ठाकरे गट आणि शरद पवार यांच्या राष्ट्रवादी काँग्रेसला नवे उमेदवार शोधावे लागणार आहेत. यातच कोकणीत राजकारण देखील तापणार असून आगामी काळात शिवसेना (ठाकरे गट) आणि शिवसेना (शिंदे गट) आणने-सामने येण्याची शक्यता आहे.

Edited By- Ganesh Thombare

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Politics News on Sarkarnama
sarkarnama.esakal.com