Uddhav Thackeray Video : 'काळजी करू नको, मी बदला घेणार', उद्धव ठाकरेंनी भरसभेत दिला 'त्या' कार्यकर्त्याला शब्द

Uddhav Thackeray News : लोहा कंधार मतदारसंघात उद्धव ठाकरे यांची जाहीर सभा झाली. या सभेत आपल्या पक्षाच्या कार्यकर्त्याने सोशल मीडियावर विरोधात लिहिले म्हणून त्याची बोटांवर वार करण्यात आला. त्याची बोटे कापण्यात आली, असे म्हणत उद्धव ठाकरेंनी त्या कार्यकर्त्याला स्टेजवर बोलावले.

उद्धव ठाकरेंनी त्या कार्यकर्त्याला भर सभेत 'तू काळजी करू नको मी बदला घेणार' असे आश्वास दिले. 'मनात आणलं तर गद्दार जागेवर ठेवणार नाही मुळासकट उखडून ठेऊ. राज्यात कायदा सुव्यवस्था नांदत असेल तर ज्यांनी हल्ला केला त्याच्यावर कारवाई केली पाहिजे. जर नसेल तर पोलिस बाजुला ठेवा आम्ही बघतो कोण आमच्यावर चालून येत आहेत ते.', असे देखील ठाकरे म्हणाले.

'शिवसैनिकाच्या केसाला हात लावला तर तो हात जागेवर ठेवणार नाही. माननीय बाळासाहेबांची आम्हाला हीच शिकवण आहे. कोणाच्या अंगावर चालून जायचे नाही आणि कोणी चालून आला तर त्याला सोडायचे नाही', असे देखील उद्धव ठाकरे म्हणाले.

लढायचे असेल तर मर्दा सारखे लढा. नामर्दा सारखे लढून नका. आमच्या सोबत मित्र पक्ष आहे. काँग्रेस, राष्ट्रवादी आहे. त्यांच्यसोब इन्कमटॅक्स, ईडी, पोलिस यांची युती आहे. माझ्या पदाधिकाऱ्यांच्या दडीपार करतायेत. 20 तारखेला निवडणूक झाल्यानंतर आमचे सरकार येणार आहे. तेव्हा तुम्हाला तिघांना महाराष्ट्रातून तडीपार करू, असे चॅलेंज देखील उद्धव ठाकरेंनी एकनाथ शिंदे, देवेंद्र फडणवीस, अजित पवारांना दिले.

ही लढाई एकट्याची नाही

उद्धव ठाकरे म्हणाले, ही लढाई माझी एकट्याची, शिवसेनेची, शरद पवारांची, राहुल गांधी यांची नाही. ही लढाई तुमची (जनतेची) आहे. मी माझ्या भाषणाची सुरुवात महाराष्ट्र प्रेमी म्हणून करतो कारण ते महाराष्ट्र द्रोह करत आहेत. ते महाराष्ट्र लुटत आहे, असे उद्धव ठाकरे म्हणाले.