शिवसेना शिंदे गटाचे आमदार संजय गायकवाड यांनी आमदार निवासातील कॅन्टीनमध्ये निकृष्ट दर्जाचे जेवण मिळाल्याने कर्मचाऱ्याला मारहाण केल्याच्या घटनेमुळे राजकीय वातावरण तापले आहे. विधान परिषदेत यावर चर्चा होताना मुख्यमंत्री देवेंद्र फडणवीस यांनी गायकवाड यांच्या कृतीवर तीव्र नाराजी व्यक्त करत सभागृहाच्या अध्यक्षांना कारवाईचा निर्णय घेण्याची विनंती केली. तर उपमुख्यमंत्री एकनाथ शिंदे यांनीही गायकवाड यांना समज दिल्याचे सांगितले आहे.शिंदे म्हणाले, निकृष्ट जेवणामुळे कोणालाही त्रास होऊ शकतो. गायकवाड यांना खराब जेवणामुळे उलटी झाली आणि रागाच्या भरात त्यांनी कर्मचाऱ्याला मारहाण केली. पण आमदार हे लोकप्रतिनिधी असतात. त्यांना कायदेशीर मार्गाने कारवाई करण्याचा अधिकार आहे. अशा प्रकारे मारहाण करणे अयोग्य आहे. मी स्वतः गायकवाड यांना याबाबत समज दिली आहे.
शिवसेना शिंदे गटाचे आमदार संजय गायकवाड यांनी आमदार निवासच्या कॅन्टीनमध्ये राडा केल्याचा व्हिडीओ समोर आला. आकाशवाणी आमदार निवास कॅन्टीनमध्ये शिळं जेवण दिल्याच्या कारणावरुन संजय गायकवाड यांनी कर्मचाऱ्याला मारहाण केली. दरम्यान, संजय गायकवाड यांच्या या व्हिडीओनंतर आता आकाशवाणी आमदार निवासातील कॅन्टीनमध्ये आणखीन एक प्रकार घडला. त्याच कॅंटीनमध्ये किरकोळ कारणावरून आता दोन वेटरमध्ये हाणामारी झाली असल्याचे समोर आले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.