भाजपचे ज्येष्ठ नेते आणि माजी आमदार हिरा ठाकुर यांनी सोमवारी भाजपची साथ सोडत काँग्रेसमध्ये प्रवेश केला आहे. उत्तर प्रदेशमध्ये आता लवकरच विधानसभेची निवडणूक होणार आहे, ऐन निवडणुकीच्या तोंडावर हा भाजपसाठी मोठा धक्का मानला जात आहे.
दिल्ली हाय कोर्टाने हिंदुत्व समर्थक आणि इन्फ्लुएंसर स्वतंत्र भारद्वाजला मोठा झटका दिला आहे. भारद्वाज याने न्यायालयात दाखल केलेली अटकेपासून संरक्षणाची याचिका फेटाळण्यात आली आहे. तर यापूर्वी दिल्लीतील एका न्यायालयाने स्वतंत्र भारद्वाजला 14 दिवसांची न्यायालयीन कोठडी सुनावली आहे.
छत्रपती संभाजीनगर जिल्ह्यात मागील ४० ते ४५ दिवसांपासून पावसाने खंड दिल्याने खरीप पिकांना मोठा फटका बसला आहे. पावसाअभावी शेतकऱ्यांची पिके हातची जाण्याची परिस्थिती निर्माण झाली असून, जिल्ह्यात तातडीने कोरडा दुष्काळ जाहीर करावा, तसेच जनावरांसाठी चारा छावण्या सुरू कराव्यात, अशी मागणी करण्यात आली आहे.
पालघरच्या रिलीफ हॉस्पिटल मधील रिसेप्शनिस्टला मारहाण केल्या प्रकरणात अटक करण्यात आलेल्या शिंदेंच्या शिवसेना शहर प्रमुख राहुल घरत याला एक दिवसाची पोलीस कोठडी सुनावण्यात आली आहे. आज दुपारी राहुल घरत याला पालघर पोलिसांनी अटक केली असून न्यायालयात हजर केला असता एक दिवसांची पोलीस कोठडी सुनावण्यात आली.
मुंबईत ठाकरेंच्या शिवसेनेला मोठा धक्का बसला असून जेष्ठ नगसेविका विशाखा राऊतांचं नगरसेवकपद रद्द करण्यात आलं आहे. याची घोषणा महापौर रितू तावडेंनी केली आहे. यावरून ठाकरेंच्या शिवसेनेच्या नेत्यांना अपात्र करायचं आधीच ठरलं होतं असा आरोप विशाखा राऊत यांनी केला आहे.
भाजप प्रणित राज्य सरकार हे प्रत्येक जातीजातीमध्ये भांडण लावत आहे. आरक्षणाच्या नावाने प्रत्येक जातीमध्ये फूट पाडण्याचं काम हे सरकार करत आहे. फोडा आणि राज्य करा हीच या सरकारची नीती आहे. पण आता महाराष्ट्रातील जनता या नीतीला कंटाळली आहे. त्यामुळे मुख्यमंत्री देवेंद्र फडणवीस यांनी उपवर्गीकरणाचा निर्णय मागे घ्यावा, असा थेट इशारा आनंदराज आंबेडकर यांनी दिला आहे.
मुख्यमंत्री देवेंद्र फडणवीस यांनी अनुसूचित जातीमधील उपवर्गीकरणाचा घाट घालू नये. अनुसूचित जाती मधील 58 जाती या एकत्रित नांदत आहेत त्यांच्यामध्ये फूट पाडू नये अन्यथा आंबेडकरी जनता मुख्यमंत्री देवेंद्र फडणवीस यांना माफ करणार नाही. ज्याप्रमाणे केंद्रीय मंत्री धर्मेंद्र प्रधान यांना राजीनामा देऊन पायउतार व्हावे लागले त्याप्रमाणेच मुख्यमंत्री देवेंद्र फडणवीस यांना देखील मुख्यमंत्रीपदावरून जावे लागेल असा थेट इशारा रिपब्लिकन सेनेचे अध्यक्ष आनंदराज आंबेडकर यांनी दिला आहे.
सत्तेच्या राजकारणात महिलांना केंद्रस्थानी ठेवणाऱ्या सरकारला आता याच महिला शेतकऱ्यांच्या प्रश्नावरून रस्त्यावर उतरावे लागत आहे. पावसाने ओढ दिल्याने खरीप पिके संकटात असताना औसा तालुका दुष्काळग्रस्त जाहीर करण्याच्या मागणीसाठी शेकडो महिलांनी सोमवारी तहसील कार्यालयावर धडक मोर्चा काढला.
कुंभनगरी नाशिकमध्ये कत्तलखाना उभारण्याच्या मुद्द्यावरून आता नवा वाद निर्माण झाला आहे. भद्रकाली परिसरातील कत्तलखान्यासाठी महापालिका प्रशासनाने तब्बल पाच कोटी रुपयांची ई-निविदा काढल्याचा आरोप करत महापौरांनी ही निविदा रद्द करण्याचा निर्णय घेतला असून या निर्णयावरून महापालिकेत सत्ताधारी आणि प्रशासन यांच्यातील वाद चव्हाट्यावर आला आहे.
समृद्धी महामार्गावर वाहनचालकाला अडवून लूट करणाऱ्या टोळीतील चार फरार आरोपींना संभाजीनगर ग्रामीण पोलिसांच्या स्थानिक गुन्हे शाखेने बीडमधून अटक केली. आरोपी एकाच गावात लपल्याची माहिती मिळाल्यानंतर पोलिसांनी वेशांतर करून टिपर चालकाच्या नोकरीचे आमिष दाखवत सापळा रचला. मध्यरात्री चौघांना ताब्यात घेण्यात आले.
बारामती तालुक्यातील सोमेश्वर सहकारी साखर कारखान्याचे निवडणूक बिनविरोध होणार नाही, असे युवा नेते योगेंद्र पवार यांनी संकेत दिले आहे. दोन दिवसांत उमेदवारांच्या मुलाखती होणार आहेत. कारखान्याची निवडणूक बिनविरोध व्हावी, यासाठी प्रयत्न केले जात आहेत. आता योगेंद्र पवार यांनी निवडणुकीच्या मैदानात उतरल्याने बारातमीचे राजकारण ढवळून निघणार असे संकेत आहे.
लँड जिहाद आता शिवनेरी किल्ल्यातही पोहोचला आहे, असा गंभीर आरोप भाजप नेते माजी खासदार किरीट सोमय्या यांनी केला आहे. शिवनेरीच्या संरक्षित हद्दीत अनधिकृत दर्गा आणि कब्रस्तान उभारल्याचा दावा करत त्यांनी प्रशासनाला कारवाईसाठी आठवडाभराचा अल्टिमेटम दिला आहे.
धनगर समाजाचा एसटी प्रवर्गात समावेश करावा. या मागणीसाठी आज धनगर समाजाच्यावतीने पंढरपुरात आंदोलन करण्यात आले. तहसील कार्यालयासमोर धनगर समाजाच्यावतीने ढोल वाजवून आंदोलन केले. धनगर समाजाचे नेते सुभाष माने यांच्या नेतृत्वाखाली आंदोलन करण्यात आले.
मनोज जरांगे यांच्या उपोषणाला पाठिंबा देण्यासाठी, लातूरच्या बोरगाव काळे येथे मराठा आंदोलन आक्रमक झाले आहेत. आंदोलकांनी मागच्या एक तासापासून लातूर-बार्शी महामार्ग आडवत रास्ता रोको आंदोलन सुरू केल आहे. उपोषणाची तात्काळ दखल घ्यावी. तसेच मराठा समाजाच्या मागण्या मान्य कराव्यात, अशी मागणी आंदोलकांनी केली. या आंदोलनामुळे महामार्गावर वाहनांच्या मोठ्या रांगा लागल्या आहेत.
मराठा आरक्षणाच्या मागणीसाठी आणि, मनोज जरांगे पाटील यांच्या उपोषणाला पाठिंबा देण्यासाठी लातूरमधील रेनापुर तालुक्यातील कोरेगावच्या मराठा समाजातील युवकांनी टाॅवर वर चढून शोले स्टाईल आंदोलन केले. मागच्या दोन तासांपासून हा युवक टाॅवर वर चढून बसला आहे. सरकारने मनोज जरांगे पाटील यांच्या उपोषणाची तात्काळ दखल घ्यावी, तसेच मराठा समाजाच्या मागण्या मान्य कराव्यात, अशी मागणी या युवकाने केली आहे.
मनोज जरांगे पाटील यांच्या उपोषणाला पाठिंबा देण्यासाठी आज पंढरपुरात मराठा समाजाच्यावतीने आक्रोश आंदोलन करण्यात आले. छत्रपती शिवाजी महाराज चौकात मराठा समाजबांधव मोठ्या संख्येने एकत्र आले. यावेळी जोरदार घोषणाबाजी करत ठिय्या आंदोलन करण्यात आले. मराठा समाजाला आरक्षण मिळावे आणि सातारा गॅझेटच्या मागणीची तातडीने अंमलबजावणी करावी, अशी मागणी आंदोलकांनी केली. सरकारने आरक्षणाबाबत लवकरात लवकर निर्णय घेतला नाही, तर आगामी काळात राज्यातील आमदार, खासदार आणि मंत्र्यांना मराठा समाजाच्या रोषाला सामोरे जावे लागेल, असा इशारा यावेळी आंदोलकांनी दिला.
विद्यार्थ्यांच्या भविष्याशी खेळणारी MPSC पेपरफुटी आणि परीक्षेतील गैरप्रकार कोणत्याही परिस्थितीत खपवून घेतले जाऊ नयेत. MPSC विद्यार्थी आणि शिक्षकांच्या वतीने आज विराट आक्रोश मोर्चाच्या माध्यमातून आपल्या न्याय्य मागण्यांसाठी आवाज बुलंद करण्यात आला आहे. हा महाराष्ट्रातील लाखो मेहनती, प्रामाणिक आणि स्वप्न पाहणाऱ्या विद्यार्थ्यांच्या भविष्याचा प्रश्न आहे. आर्थिक, मानसिक आणि कौटुंबिक अडचणींचा सामना करत दिवस-रात्र अभ्यास करून गरीब विद्यार्थी परीक्षा देतात. अशा परिस्थितीत पेपरफुटी, गैरप्रकार किंवा परीक्षेतील कोणतीही अनियमितता घडल्यास त्यांच्या मेहनतीवर पाणी फेरले जाते. मेहनत करणाऱ्या प्रत्येक विद्यार्थ्याला न्याय मिळालाच पाहिजे. MPSC विद्यार्थ्यांच्या या न्याय्य आणि हक्काच्या लढ्याला माझा पूर्ण पाठिंबा आहे. विद्यार्थ्यांच्या भविष्याशी तडजोड नाही, असे मत जयंत पाटील यांनी व्यक्त केले.
शासकीय पदाचा आणि कार्यालयाचा वापर वैयक्तिक प्रसिद्धीसाठी करण्यास मनाई असताना, वाशिम जिल्ह्यातील रिसोडच्या तहसीलदार प्रतीक्षा तेजनकर यांनी चक्क तहसील कार्यालयातच 'प्रोफेशनल सिनेमॅटिक रील' शूट करून शासनाच्या आदेशांना उघड-उघड आव्हान दिलय. 'लाईट, कॅमेरा आणि ॲक्शन'च्या थाटात तयार केलेल्या या रीलमुळं प्रशासकीय वर्तुळात तीव्र संताप व्यक्त होत असून, नियम मोडणाऱ्या या अधिकाऱ्यावर तत्काळ शिस्तभंगाची कडक कारवाई करण्याची मागणी होतेय.
मराठवाडा मुक्ती संग्राम दिनाच्या पार्श्वभूमीवर शिवसेना उद्धव बाळासाहेब ठाकरे पक्षाच्यावतीने आठही जिल्ह्यात 'तुम से ना हो पयेगा', हे अभिनव आंदोलन हाती घेण्यात आले आहे. 16 सप्टेंबर म्हणजेच मराठवाडा मुक्ती संग्राम दिनाच्या एक दिवस आधी पक्षप्रमुख उद्धव ठाकरे यांच्या उपस्थितीत मराठवाड्याची राजधानी असलेल्या छत्रपती संभाजीनगरमध्ये या भागातील रखडलेल्या विकास कामांचा जाब महायुती सरकारला विचारला जाणार आहे.
जालन्यातील अंतरवाली सराटीच्या वेशीवर ओबीसी आंदोलकांचे आमरण उपोषण दुसऱ्या दिवशीही सुरू आहे. , आंदोलक मंगेश ससाणे, विठ्ठल तळेकर आणि सतीश कुलाल हे सोनिया नगर येथे उपोषणाला बसले होते. त्यांना पोलिसांनी ताब्यात घेतल आहे.
MPSC विद्यार्थी आक्रोश मोर्चाला सुरुवात झाली आहे. या मोर्चात खासदार सुप्रिया सुळे या देखील सहभागी झाल्या आहेत. त्या म्हणाल्या कीस विद्यार्थ्यांना आंदोलन करावं लागतंय हे दुदैवी आहे. विद्यार्थी चर्चेला तयार आहेत.
पिंपरीत दहीहंडी उत्सवात लोखंडी स्ट्रक्चर पडून महिलेच्या मृत्यू प्रकरणी मंडळाच्या अध्यक्षावर गुन्हा दाखल तर स्पीकर आणि मंडप मालकाला अटक करण्यात आली आहे..मंडप आणि लोखंडी स्ट्रक्चर उभारणारे मेहबूब उर्फ सॅम रमजान शेख, स्पीकर साऊंड सिस्टम उपलब्ध करून देणारे कुणाल अनिल भोगावडे या दोघांना अटक करण्यात आली आहे.
आग लागल्याने जीव वाचविण्यासाठी एका रुग्णालयातून दुसऱ्या रुग्णालयात स्थलांतर करुन उपचार घेणाऱ्या जुळ्या चिमुकल्यांच्या उपचार सुरू असताना दुर्दैवी मृत्यू झाला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.