Bomb Threat : विधानभवनाला बॉम्बने उडवण्याची धमकी : मंत्रालय, मेट्रो आणि स्टॉक एक्सचेंजचाही उल्लेख! राज्यभरात सुरक्षा अलर्ट; तपासात मोठा खुलासा

Vidhan Bhavan hoax bomb threat news : राज्यात पुन्हा एकदा बॉम्बने महत्त्वाच्या ठिकाणांना डवून देण्याची धमकी देणारा मेल मिळाल्याने एकच खळबळ उडाली आहे. शुक्रवारी सकाळी ८ वाजून ११ मिनिटांनी हा धमकीचा ई-मेल विधान भवनाला आला असून यात विधान भवनाला बॉम्ब स्फोटानं उडवून देण्याची धमकी देण्यात आली. तसेच याच मेलमध्ये मेट्रो स्टेशन, मंत्रालय, स्टॉक एक्सचेंजचा देखील उल्लेख करण्यात आल्याने एकच खळबळ उडाली होती. यानंतर पोलीस यंत्रणांनी जलदगतीनं हालचाल करत विधान संपूर्ण विधिमंडळाची तपासणी केली. ज्यानंतर हा हॉक्स ई-मेल असल्याचं स्पष्ट झालंय.

दरम्यान तीन महिन्यांच्या आधी देखील असाच एक मेल प्रशासनाला मिळाला होता. ज्यात मुंबईतील विधानभवन, बॉम्बे स्टॉक एक्सचेंज आणि उच्च न्यायालयासह महत्त्वाच्या ठिकाणांना बॉम्बने उडवून देण्याची धमकी देण्यात आली होती. यानंतर आता पुन्हा एकदा शुक्रवारी सकाळी ८ वाजून ११ मिनिटांनी धमकीचा मेल प्राप्त झाला. या ई-मेलमध्ये दुपारी १ वाजून ११ मिनिटांनी बॉम्बस्फोट घडवून आणण्याची धमकी देण्यात आली होती.

धक्कादायक म्हणजे सध्या विधिमंडळाचं अधिवेशन सुरु असतानाच असा धमकीचा मेल आल्याने पोलिस प्रशासनासाह प्रशासनात मोठी खळबळ उडाली. तर पोलिस प्रशासन अलर्टवर आले. पोलीस यंत्रणेकडून जलदगतीनं कडक एसओपींसोबतच विधिमंडळ परिसरातील कसून तपासणी करण्यात आली. केल्यानंतर हा हॉक्स ई-मेल असल्याचं स्पष्ट झालंय.

दरम्यान आता सायबर गुन्हे आणि तपास यंत्रणा आता हा धमकीचा ईमेल कोणी आणि कोणत्या सर्व्हरवरून (आयपी ॲड्रेस) पाठवला, याचा तपास करत असून अद्याप याबाबत माहिती समोर आलेली नाही. मात्र अशा खोट्या धमक्या वारंवार येत असल्याने सुरक्षेबद्दल चिंता व्यक्त केली जात आहे.