Mahayuti News : नगरपंचायत आणि नगरपरिषद निवडणूकीसाठी मतदान दोन डिसेंबरला होत आहे. मात्र, या निवडणुकीत महायुतीमधील मित्र पक्ष भाजप आणि एकनाथ शिंदेंची शिवसेना एकमेकांवर तुटून पडले आहेत. मालवणमध्ये शिवसेनेचे आमदार निलेश राणे हे भाजप पदाधिकाऱ्याच्या घरात शिरले होते. त्यांनी तेथे ठेवले पैसे दाखवले. दरम्यान, या बाबात भाजपचे प्रदेशाध्यक्ष रवींद्र चव्हाण यांना पत्रकारांनी विचारले असता त्यांनी दिलेल्या उत्तराने सणसणाटी निर्माण झाली आहे.
पत्रकारांशी बोलताना चव्हाण म्हणाले की, येत्या दोन तारखेपर्यंत मला युती टिकवायची आहे. मी नंतर उत्तर देईल.
चव्हाण यांनी वाद टाळण्यासाठी दिलेल्या उत्तरानंतर महायुतीमध्ये सर्व आलबेल नसल्याची चर्चा आहे. त्यातच सोलापूरच्या कुर्डुवाडीत एकनाथ शिंदेंची शिवसेना आणि शरद पवार यांची राष्ट्रवादी यांची युती झाल्याने नवीन समीकरण पुढे आले आहे.
शिंदेंच्या शिवसेनेसोबत युतीवर बोलताना राष्ट्रवादी काँग्रेस शरदचंद्र पवार पक्षाचे प्रदेशाध्यक्ष शशिकांत शिंदे म्हणाले, ही युती भविष्याची नांदी ठरू शकते. एकनाथ शिंदेंचा भाजपने केवळ वापर करून घेतला. मात्र, लढणारी माणसे कधीच शरण जात नाहीत. कुर्डुवाडीत जी युती झाली ती भविष्याची नांदी ठरले.
महायुतीमध्ये हिंगोलीमध्ये देखील भाजप आणि शिवसेनेच्या आमदारांमध्ये टोकाचे वाद झाले आहेत. आमदार संजय बांगर यांनी भाजप आमदार तानाजी मुटकुळे यांच्यावर गंभीर आरोप करत त्यांनी 100 पोलिस आपल्या घरी पाठवल्याचे म्हटले. तर, मुटकुळे यांनी बांगर यांनी 50 कोटी एकनाथ शिंदेंकडून घेऊन ठाकरेंची साथ सोडल्याचे म्हटले. त्यामुळे हिंगोलीत भाजप आणि शिवसेनेत राजकीय तणाव आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.