Maratha Reservation : मनोज जरांगे पाटील यांनी मराठा समाजाला ओबीसी कोट्यातून आरक्षण द्यावे ही प्रमुख मागणी करत मुंबईतील आझाद मैदानात उपोषण सुरु केले आहे. पण मराठा समाजाला स्वतंत्रपणे 10 टक्के आरक्षण आहे असे म्हणत ही मागणी मान्य करता येणार नसल्याचे स्पष्ट संकेत मुख्यमंत्री देवेंद्र फडणवीस यांनी दिले आहेत. ते गुरुवारी मुंबईमध्ये माध्यमांसोबत बोलत होते.
मुख्यमंत्री फडणवीस म्हणाले, मराठा समाजाला आधीच आरक्षण दिले आहे. आता ओबीसी कोट्यातून आरक्षण द्या म्हणत आहेत. पण ओबीसीमध्ये आधीच 350 जाती आहेत. शिवाय मराठा समाजाला 10 टक्के वेगळे आरक्षण आहे, ठीक आहे तरीही गोष्टी समजून घेऊ. पण मराठा समाज आणि ओबीसींवर राज्य सरकार अन्याय होऊ देणार नाही आणि कोणाचेही आरक्षण काढले जाणार नाही, असे आश्वासन त्यांनी दिले.
आंदोलनाने मुंबई ठप्प :
मनोज जरांगे (Manoj Jarange) यांनी आझाद मैदानावर आंदोलन सुरु केले आहे. त्यांच्यासह मराठा समाजातील लाखो आंदोलक मुंबईत दाखल झाल्याने जनजीवन विस्कळीत झाले आहे. शहरातील मुख्य रस्त्यांवर प्रचंड वाहतूक कोंडी झाली आहे. छत्रपती शिवाजी महाराज टर्मिनन्स आणि इतर स्थानकांवरती मोठ्या प्रमाणात मराठा आरक्षण आंदोलक जमा झाल्याने मुंबईची लाईफलाईन समजली जाणारी लोकलही धिम्या गतीने धावत आहे.
मनोज जरांगे पाटील यांच्या प्रमुख मागण्या :
मराठा आणि कुणबी एक आहेत, याची अंमलबजावणी करावी. 13 महिन्यापासून अभ्यासच सुरु असलेल्या हैदराबाद, सातारा आणि बॉम्बे गॅझेटियर लागू करावे. कुणबी नोंद सापडली आहे त्यांच्या सगेसोयऱ्यांनाही पोट जात म्हणून कुणबी दाखले द्यावे. मराठा आरक्षण आंदोलकांवरील सरसकट गुन्हे मागे घ्यावेत आणि मराठा समाजाला कायद्यात बसणारे आरक्षण द्यावे, अशा मागण्या जरांगे पाटील यांनी फडणवीस सरकारकडे केल्या आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
