Mumbai News : मराठा आंदोलक मनोज जरांगे यांनी आझाद मैदानावर शुक्रवारपासून उपोषण सुरु केले आहे. त्यानंतर शनिवारी दुपारी मराठा उपसमितीची बैठक पार पडली. यावेळी जरांगे पाटील यांच्या आंदोलनामुळे निर्माण झालेली मराठा आरक्षणाची कोंडी फोडण्यासाठी हालचालींना वेग आला आहे. मुंबईत मराठा आरक्षण उपसमितीची महत्त्वाची बैठक झाली, ज्यात काही महत्त्वाचे निर्णय घेण्यात आले. या निर्णयामुळे आंदोलक आणि सरकार यांच्यातील तणाव कमी होण्याची शक्यता आहे. या उपसमितीच्या बैठकीत नेमके काय ठरलं? हे बैठकीनंतर विखे पाटलांनी थेटच सांगितले. त्यामुळे येत्या काळात मराठा आरक्षणाची कोंडी फुटण्याची शक्यता निर्माण झाली आहे.
आझाद मैदानावर शुक्रवारपासून आंदोलन सुरु आहे. मराठा समाजाला आरक्षण मिळाले पाहिजे या मुद्द्यावर आंदोलक ठाम आहेत. त्यामुळे गेल्या दोन दिवसापासून यावर मार्ग निघत नव्हता. तर दुसरीकडे मनोज जरांगे पाटील यांची सरकारचं शिष्टमंडळ त्यांची भेट घेणार अशा बातम्या समोर येत होत्या, मात्र सरकारच्या शिष्टमंडळाने त्यांची भेट घेतली नव्हती. अखेर शनिवारी आंदोलनाच्या दुसऱ्या दिवशी मोठा निर्णय झाला आहे, शिष्टमंडळ मनोज जरांगे पाटील यांची भेट घेणार आहे.
यामुळे भेटीमुळे आरक्षणाच्या मुद्द्यावर जी काही एक प्रकारची कोंडी निर्माण झाली होती, ती फुटण्याची शक्यता आहे. त्यामुळे दुपारनंतर मनोज जरांगे पाटील आणि शिष्टमंडळ यांच्यामध्ये चर्चा होऊ शकते. त्याला उपसमितीच्या बैठकीनंतर विखे पाटलांनी दुजोरा दिला आहे.
मुंबईत सुरू असलेल्या मराठा आरक्षण आंदोलनाच्या पार्श्वभूमीवर राधाकृष्ण विखे पाटील यांच्या निवासस्थानी मराठा आरक्षण उपसमितीची महत्त्वाची बैठक पार पडली, या बैठकीला समितीचे सर्व सदस्य हजर होते. या बैठकीत अनेक विषयांवर चर्चा झाली. चंद्रकांत पाटील, आशिष शेलार, उदय सामंत यांच्यासह सर्वच सदस्य या बैठकीला उपस्थित होते. या बैठकीमध्ये सविस्तर चर्चा झाली.
या बैठकीत नेमकं काय ठरले, याबाबत विखे पाटील यांनी माहिती दिली आहे. अतिशय सकारात्मक भूमिका आमच्या सर्वांची आहे. या प्रश्नाची सोडवणूक झाली पाहिजे, हीच सरकारची देखील भूमिका आहे, आणि म्हणून या सर्व गोष्टींवर चर्चा करण्यासाठी न्यायमूर्ती शिंदे साहेब, कोकणाचे विभागीय आयुक्त आणि आमच्या विभागाचे सचिव त्यांच्यासोबत चर्चा करण्यासाठी जाणार आहेत, आणि चर्चा झाल्यानंतर आणखी काही मुद्दे उपस्थित झाल्यास त्यावर पुन्हा चर्चा करू असे विखे पाटील यांनी म्हटले आहे.
यावेळी बैठकीत मराठा आरक्षणाबाबत सविस्तर चर्चा झाली. मराठा समाजाला आरक्षण मिळाले पाहिजे, अशीच राज्य सरकारची भूमिका आहे. त्यासाठी राज्य सरकार सकारात्मक आहे. त्यासोबतच मराठा आंदोलक मनोज जरांगे यांच्याशी चर्चा करण्याची राज्य सरकारची तयारी असल्याचे विखे पाटील यांनी सांगितले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.