एकनाथ शिंदेंच्या शिवसेनेचे नेते आनंदराव अडसूळ यांच्या पॅनलला मुंबई बँक एम्प्लॉईज युनियनच्या मुंबई बँक युनिट निवडणुकीत पराभवाला सामोरे जावे लागले आहे. त्यांच्या पॅनलला एकही जागा जिंकता आलेली नाही. तर दुसरीकडे प्रवीण दरेकर यांच्या नेतृत्वातील कै. दीपक चंदगडकर स्मृती पॅनलने १५ पैकी सर्वच्या सर्व १५ जागांवर दणदणीत विजय मिळवला आहे.
भाजप आमदार नरेंद्र मेहता यांनी एक खळबळजनक दावा केला आहे. त्यांनी मिरा-भाईंदर ही जैनांची नगरी असल्याचं म्हटलं आहे. शहराचा आमदार जैन, महापौर जैन आणि तब्बल नऊ नगरसेवकही जैन असल्याचा दाखला देत त्यांनी हे विधान केलं आहे .या त्यांच्या वक्तव्यामुळे नवा वाद पेटण्याची शक्यता आहे.
पुणे : विधान परिषदेची आचारसंहिता जाहीर झाल्यानंतरही विभाग प्रमुखांकडून तसेच क्षेत्रीय कार्यालयांकडून अत्यावश्‍यक कामांच्या नावाखाली किरकोळ दुरूस्ती व महत्त्वाची नसलेल्या कामांच्या निविदा काढल्या जात आहेत. त्यावर अखेर महापालिका आयुक्तांकडून प्रतिबंध घालण्यात आला आहे. यापुढे कोणतेही देखभाल-दुरुस्ती व अन्य कोणतेही काम करायचे असेल तर अतिरिक्त आयुक्त, आयुक्तांची परवानगी घेणे अनिवार्य असेल. पूर्वपरवानगीशिवाय कामे सुरू करू नयेत असे आदेश आयुक्त नवल किशोर राम यांनी काढले आहेत.
ठाण्याचे ठाकरेंच्या शिवसेनेचे विभाग प्रमुख प्रदीप पुर्णेकर यांच्या हत्येप्रकरणी माजी महापौर मीनाक्षी शिंदे यांची चौकशी करा, अशी मागणी संजय राऊत यांनी केली आहे. त्याचबरोबर मूळ एफआयआरला पुर्णेकरांच्या भावाचा आणि मुलाचा जबाब जोडावा अशी मागणीही त्यांनी पोलिस अधिकाऱ्यांकडं केली आहे. पुरवणी एफआयआरमध्ये दोघांची नावं नोंदवा, नातेवाईकांकडं याबाबत पुरावे आहेत, असंही संजय राऊत यांनी म्हटलं आहे.
आमदार अभिजीत पाटलांवर भाजपच्या रणजितसिंह शिंदे यांनी गंभीर आरोप केले आहेत. विठ्ठल सहकारी कारखान्यात 350 कोटी रुपयांचा भ्रष्टाचार झाला आहे. त्याची चौकशीची मागणी मुख्यमंत्र्यांकडे करणार आहे. तुळशी गावातील पाण्याचा प्रश्न लवकरच सोडवणार आहे. त्यासाठी सव्वा कोटीचा निधी लवकरच मंजूर होणार असल्याची माहितीही त्यांनी दिली आहे.
प्रदीप पूर्णेकर हत्या प्रकरणात कुटुंबीयांनी आक्रमक भूमिका घेत न्यायाची मागणी केली आहे. मृतदेह थेट कापूरबावडी पोलीस ठाण्यात नेण्यात आला. आरोपींना तातडीने अटक करावी, या मागणीसाठी कुटुंबीयांनी पोलीस ठाण्याबाहेर ठिय्या आंदोलन सुरू केले. गेल्या 3 तासांपासून आंदोलन सुरू असून, कुटुंबीयांकडून अटकेची मागणी केली जात आहे.
प्रदीप पूर्णेकर हत्या प्रकरणात न्याय मिळावा, या मागणीसाठी कुटुंबीयांनी आक्रमक पवित्रा घेतला आहे. कुटुंबीयांनी मोर्चा काढत ठाण्यातील कापूरबावडी पोलीस ठाण्यासमोर ठिय्या आंदोलन सुरू केले. आरोपींना तातडीने अटक करावी, या मागणीसाठी गेल्या 2 तासांपासून कुटुंबीय पोलीस ठाण्याबाहेर आंदोलन करत आहेत.
इंडिया आघाडीच्या बैठकीनंतर काँग्रेस अध्यक्ष मल्लिकार्जून खर्गे यांनी यापुढील निवडणुका मतपत्रिकांवरच व्हाव्यात, अशी मोठी मागणी केली आहे. त्याचप्रमाणे निवडणूक आयोग आणि सरकारविरोधात २ ऑक्टोबरला सर्वपक्षीय मोर्चा काढणार असल्याचेही त्यांनी जाहीर केले.
सोमेश्वर सहकारी साखर कारखान्याची निवडणूक जाहीर झाली असून राजकीय वारे जारदार वाहू लागले आहेत. दरम्यान एकीकडे भाजपचे पुरंदरचे माजी आमदार संजय जगताप, भाजपचे जिल्हाध्यक्ष शेखर वढणे आणि राष्ट्रवादी शरदचंद्र पवार पक्षाचे पुरंदर तालुक्यातील पदाधिकाऱ्यांच्या उपस्थितीत मेळावा पार पडले आहेत. अशातच कारखान्याचे विद्यमान चेअरमन पुरुषोत्तम जगताप यांचे बंड समोर आले आहे. त्यांचा अद्याप निर्णय झालेला नसून जगताप काय निर्णय घेणार हे अद्याप गुलदस्त्यात आहे.
अहिल्यानगर जिल्हा बँकेच्या 21 जागांसाठी निवडणूक होणार असून सर्वसाधारण मतदारसंघातील 14 जागांसाठी 1360 ठराव झाले प्राप्त झाले आहे. एकीकडे ही निवडणूक दुष्काळाच्या पार्श्वभूमीवर बिनविरोध करण्यासाठी हालचाली सुरू आहेत. तोच बँकेच्या निवडणुकीत राम शिंदेंची एन्ट्री झाली आहे. त्यांनी कर्जत-जामखेड मतदारसंघातून उमेदवारी अर्ज घेतला आहे. तसेच त्यांनी राधाकृष्ण विखे यांना सुजय विखे-बाळासाहेब थोरातांच्या बैठकीची माहिती नसेल तर बिनविरोध निवडणूक कशी होणार?’ असा सवाल देखील उपस्थित केला आहे.
राज्य सरकारने ट्रिगर-1 लागू करत 265 तालुक्यात दुष्काळ जाहीर केला होता. पण यानंतर अनेक तालुक्यात भिषण संकट असतानाही त्यांचा समावेश झाला नव्हता. यावरून आमदार-खासदारांना शेतकऱ्यांच्या रोषाला तोंड द्यावे लागत होते. दरम्यान त्या तालुक्यांचाही समावेश दुष्काळग्रस्त यादीत करावेत अशी मागणी केली जात होती. दरम्यान ‘‘पिके करपलेल्या, मात्र ‘ट्रिगर-१’च्या पहिल्या निकषात न बसलेल्या तालुक्यांच्या ठिकाणी प्रत्यक्ष पाहणी करून त्यांचा दुष्काळग्रस्त तालुक्यांच्या दुसऱ्या यादीत समावेश केला जाईल, असे निर्देश उपसमितीला देण्यात आले आहेत, ’’ अशी ग्वाही मुख्यमंत्री देवेंद्र फडणवीस यांनी दिलीय. ज्यानंतर राज्यातील टंचाई परिस्थितीची भीषणता लक्षात घेता ‘ट्रिगर-२’ लागू होणाऱ्या आणखी ४३ तालुक्यांचा दुष्काळी यादीत समावेश करण्याचा शासनाने निर्णय घेतला आहे. याबाबत उपसमितीचे अध्यक्ष तथा महसूलमंत्री चंद्रशेखर बावनकुळे यांनी माहिती दिला आहे.
सर्वच शाळांमधील शिक्षकांना टीईटी पात्रता असणे बंधनकारक आहे. त्यामुळे आता राज्यातील खासगी विनाअनुदानित, स्वयंअर्थसहाय्यित शाळांतील शिक्षकांच्या टीईटी पात्रतेबाबतची तपासणी केली जाणार आहे. खासगी विनाअनुदानित, स्वयंअर्थसहाय्यित शाळांतील शिक्षकांनाही टीईटी उत्तीर्ण होण्यासाठी ऑगस्ट २०२८ पर्यंतची मुदत असणार आहे. त्यामुळे यूडायस प्रणालीद्वारे शिक्षण संस्था, शिक्षकांकडून टीईटी पात्रतेबाबतची माहिती संकलित करण्यात येईल, अशी माहिती शिक्षण आयुक्त सचिंद्र प्रताप सिंह यांनी दिली आहे.
दुग्ध व्यवसाय आणि पशुपालन व्यवसायाला चालना देण्यासाठी महाराष्ट्र वैरण विकास धोरण लागू करण्यात येणार आहे. या धोरणामुळे राज्यातील पशुधनासाठी आवश्यक चाऱ्याची उपलब्धता निश्चित होणार आहे. अशा रितीने राज्यात प्रथमच वैरण विकास धोरण लागू करण्यात येत आहे. या धोरणामध्ये जिल्हानिहाय चारा उत्पादन, लागवडीयोग्य गवतांची यादी, वैरणउपयुक्त वृक्षांची यादी, सुधारित चारा पिके, पारंपरिक व आपारंपरिक चारा स्रोत यांचा साकल्याने विचार करण्यात आला आहे.
राज्याला हादरवून सोडणाऱ्या नाशिकच्या मालेगाव तालुक्यातील डोंगराळे प्रकरणाचा आज अंतिम निकाल येणार आहे. 16 नोव्हेंबर 2025 रोजी डोंगराळे येथे तीन वर्षीय मुलीवर अत्याचार करून तिची हत्या करण्यात आली होती. या घटनेने मालेगावसह परिसरात मोठा जनक्षोभ उसळला होता. विशेष सरकारी वकील उज्वल निकम यांनी सरकारतर्फे या खटल्याचे कामकाज पाहिले. खटल्यात सरकारी पक्षातर्फे तब्बल 24 साक्षीदार तपासण्यात आले. थोड्याच वेळात खटल्याचा निकाल येण्याची शक्यता आहे.
सोमेश्वर सहकारी साखर कारखाच्या निवडणुकीच्या पार्श्वभूमीवर दिवंगत उपमुख्यमंत्री अजित पवार यांच्या नावाचा किंवा छायाचित्राचा वापर करण्याबाबत त्यांच्या कुटुंबीयांची परवानगी घेण्याचे आवाहन करण्यात आले आहे. राष्ट्रवादी काँग्रेस पक्षाचे बारामती तालुकाध्यक्ष संदिप कृष्णराव बांदल यांच्या लेटरहेडवर 30 सप्टेंबर 2026 रोजी प्रसिद्ध करण्यात आलेल्या पत्रकात हे आवाहन करण्यात आले आहे. पत्रकात म्हटले आहे की, लोकनेते अजितदादा पवार यांच्या फोटोचा किंवा नावाचा वापर त्यांच्या कुटुंबीयांची परवानगी घेतल्याशिवाय करू नये, अशी सर्व संबंधितांनी नोंद घ्यावी.
सिंधुदुर्ग जिल्ह्यात वनविभागाच्या कर्मचाऱ्यांकडून ओंकार हत्तीवर चक्क आगीच्या मशाली फेकल्या गेल्याचा गंभीर प्रकार समोर आला आहे. या घटनेचा व्हिडिओ आता सोशल मीडियावर जोरदार व्हायरल होत असून, प्राणीप्रेमी आणि नागरिकांमधून तीव्र संताप व्यक्त केला जातोय. नागरिकांमधून संताप व्यक्त केला जात आहे. या दोषी वनकर्मचाऱ्यांवर तात्काळ कठोर कारवाई करण्याची प्राणीप्रेमी मागणी करत आहेत.
अमरावती शिक्षक मतदार संघात भाजपची मोठी ताकद असून, महायुतीतून हा मतदार संघ भाजपला सुटावा, अशी शिष्टमंडळाकडून मुख्यमंत्री देवेंद्र फडणवीस यांच्याकडे मागणी करण्यात आली आहे. भाजप खासदार अनिल बोंडे, भाजप नेते तुषार भारतीय, शिवराय कुलकर्णी, माजी महापौर चेतन गावंडे या शिष्टमंडळाने मुख्यमंत्र्यांची भेट घेतली.
रस्ते, पाणी, वीज आणि कचरा व्यवस्थापन यांसारख्या मूलभूत सुविधा मिळत नसल्याने, येथील अनेक मोठे उद्योग स्थलांतराच्या मार्गावर असल्याची धक्कादायक माहिती समोर येत आहे. राज्य सरकारने या समस्येची दखल घेत 1400 कोटी रुपयांचा नवीन विकास आराखडा मंजूर केला आहे. मात्र, शासनाने दिलेल्या 10 महिन्यांच्या मुदतीत ही कामे पूर्ण न झाल्यास उद्योग राज्याबाहेर जाण्याचा विचार करतील, असा थेट इशारा 'चाकण फेडरेशन ऑफ इंडस्ट्रीज'ने दिला आहे. उद्योगमंत्र्यांची नियोजित बैठकही अचानक रद्द झाल्याने संभ्रम निर्माण झाला आहे. येथील वीज गळती, पाण्याची टंचाई आणि ट्रॅफिकच्या समस्येवर प्रशासनाने तातडीने तोडगा काढावा, अशी मागणी उद्योजकांनी केली आहे.
धुळे जिल्ह्यात दुष्काळाची तीव्रता दिवसेंदिवस वाढत असून, भीषण परिस्थिती निर्माण झाल्याचा दावा शेतकऱ्यांकडून केला जात आहे. पावसाने ओढ दिल्याने विहिरी आटू लागल्या आहेत, तर जगवलेली पिकं वीजपुरवठा सुरळीत नसल्याने पिकांना पाणी देण्यासाठी अडचणी निर्माण होत असल्याने पीक करपू लागली आहेत. एकीकडे पाऊस पडला नसल्याने विहिरींनी तळ गाठण्यास सुरुवात केली आहे आणि दुसरीकडे वीजपुरवठाही सुरळीत होत नसल्याने शेतकरी दुहेरी संकटात सापडला आहे. वीज वितरण कंपनीकडून आश्वासन मिळूनही पुरेसा वीजपुरवठा होत नसल्याचा शेतकऱ्यांचा आरोप आहे, अशा परिस्थितीत शासनाने जाहीर केलेल्या दुष्काळी मदतीत प्रति एकर 50 हजार रुपयांची नुकसानभरपाई द्यावी अशी मागणी शेतकऱ्यांनी केली आहे,
सोलापूर जिल्ह्यातील दुष्काळाने आता केवळ शेतीच नव्हे, तर गावाचा वैवाहिक समतोलही बिघडवला आहे. माढा तालुक्यातील तुळशी गावात पाणी नाही म्हणून शेकडो युवकांची लग्नं रखडल्याचा धक्कादायक प्रकार समोर आला आहे. शंभर एकरचा मालक असूनही मुलगी मिळत नसल्याची हतबल कहाणी एका युवकाने मांडली आहे.
बीडमध्ये साखर कारखान्यांची धुराडी पेटली असतानाच ऊसतोड कामगार, मुकादम व वाहतूकदार संघटनांनी संप पुकारला. तीन वर्षांचा करार संपल्याने साखर आयुक्तांना संपाचे पत्र देण्यात आले.
शिवसेना पक्ष आणि धनुष्यबाण चिन्हावरून उद्धव ठाकरे आणि एकनाथ शिंदे गटातील कायदेशीर लढाई सुरूच आहे. सर्वोच्च न्यायालयातील या प्रकरणाच्या पुढील सुनावणीसाठी 8 ऑक्टोबरची तारीख निश्चित झाल्याची माहिती समोर आली आहे.
ठाण्यात शिवसेना ठाकरे गटाचे विभागप्रमुख प्रदीप पुर्णेकर यांची गोळ्या झाडून हत्या करण्यात आल्याने खळबळ उडाली आहे. मंगळवारी रात्री मनोरमानगर परिसरात ही घटना घडली. पुर्णेकर हे कार्यालयात असताना अज्ञात हल्लेखोरांनी त्यांच्यावर गोळीबार केला. गंभीर जखमी अवस्थेत त्यांना उपचारासाठी नेण्यात येत असतानाच त्यांचा मृत्यू झाला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
