Beed Crime : 'संतोष देशमुख पार्ट-2 करणार, तुझ्या *** तीन कोयते...', परळी मारहाण प्रकरणात मुंडेची ऑडिओ क्लीप व्हायरल

Beed Crime News : परळी तालुक्यात शिवराज दिवटे या तरुणाला काठ्या, बेल्टने बेदम मारहाण करण्यात आल्याचे प्रकरण समोर आले आहे. या प्रकरणात 20 जणांवर गुन्हा दाखल झाला आहे. या प्रकरणातील आरोपी समाधान मुंडे याची मारहाण करण्याची आधीची धमकी देणारी ऑडिओ क्लिप व्हायरल झाली आहे.

या क्लिपमध्ये समाधान मुंडे शिवराज दिवटे याला धमकावत असल्याचे ऐकायला मिळत आहे. तो म्हणतोय 'तू माझा भाई रोहितला पण राँग बोलला. तुझे तीन शब्द राँग झालेत. नाय याच्या ***वर तीन कोयते घातले तर बघ. तू परळीला ये तुला दाखवतो.'

आरोपींनी शिवराज दिवटे याला तू भांडणात मध्ये का पडलात? या कारणावरून जलालपूर येथील रत्नेश्वर टेकडीवर नेत काठी आणि बेल्टने बेदम मारहाण केली यावेळी तुझा संतोष देशमुख पार्ट 2 करू असे म्हणत जीवे मारण्याची धमकी दिली. मारहाण करताना व्हिडिओ सोशल मीडियावर व्हायरल झाला. मला मारहाण करताना दोन व्यक्तिंनी पाहिले त्यामुळे आपली सुटका झाली, असे शिवराज दिवटे यांनी दिली.

मनोज जरांगे शिवराजची घेणार भेट

माझा काही दोष नव्हता मी केवळ सप्ताहात भांडण लागले तेथे उभाा होतो. पण मला उचलून जंगलात नेण्यात आले आणि काठी, बेल्ट, राॅडने मारहाण करण्यात आल्याचे देखील दिवटे याने सांगितले. दरम्यान, मनोज जरांगे पाटील आज बीडच्या दौऱ्यावर जाणार आहेत. ते जखमी शिवराज दिवटे याची भेट घेणार आहेत.

या प्रकरणाला जातीय रंग देऊ नका

शिवराज दिवटे याला मारहाण झाल्यानंतर सोशल मिडियामध्ये मराठा विरुद्ध वंजारी असे स्वरुप या प्रकरणाला काही जण देण्याचा प्रयत्न करत आहेत. त्यावर बीडचे पोलिस अधिक्षक यांनी सांगितले की, या प्रकरणात 20 जणांवर गुन्हा नोंद झाला आहे. यात कुठेही जातीचा संबंध नाही. आरोपी विविध जाती आहेत. एका जातीचे नाहीत. या प्रकरणाला जातीय रंग देऊ नये. सोशल मीडियावर प्रक्षोभक पोस्ट करू नये.