Beed woman murder case : बीड हादरलं, बेपत्ता होमगार्ड महिलेची हत्या; मृतदेह बॉक्समध्ये बांधून फेकला

Beed Shivajinagar police FIR : बीडमधील गुन्हेगारीचा पॅटर्नचं वेगळा आहे. दिवसेंदिवस तिथल्या गुन्हेगारीच्या वेगवेगळ्या घटनांमुळे बीड चर्चेत आहे. सरपंच संतोष देशमुख यांच्या हत्येनंतर बीडमधील गुन्हेगारीचा पॅटर्नने राज्यभरात खळबळ उडवून दिली. त्यानंतर बीडमधील गुन्हेगारी चर्चेत आली. आता देखील गुन्हेगारीच्या वेगवेगळ्या घटनेनं बीड हादरत आहे.

बीडमधील बेपत्ता महिला होमगार्ड अयोध्या राहुल व्हरकटे (वय 26) हिचा 'छिन्न-विच्छिन्न' अवस्थेत मृतदेह आढळल्याने खळबळ उडाली आहे. याप्रकरणी बीडमधील शिवाजीनगर पोलिस ठाण्यात हत्याच्या गुन्ह्याची नोंद करण्यात आली आहे.

बीडमधील (BEED) अयोध्या व्हरकटे या दोन दिवसांपासून बेपत्ता होत्या. होमगार्ड म्हणून कार्यरत होत्या. अयोध्या बेपत्ता असल्याची तक्रार तिच्या नातेवाईकांनी दिली होती. होमगार्ड बेपत्ता झाल्याने, पोलिसांनी देखील त्यांच्या शोध सुरू केला. पोलिसांनी घेतलेल्या शोधात बीडच्या पांगरी गावाच्या पुढे एका नाल्यात बेवारस बाॅक्स आढळल्याचं समोर आलं.

पोलिसांनी (Police) तिथं धाव घेतल्यावर त्यात महिलेचा मृतदेह आढळला. चौकशी केल्यावर तो अयोध्या व्हरकटेचा होता. अयोध्या यांचा मृतदेह 'छिन्न-विच्छिन्न' अवस्थेत आढळला. पोलिसांना अयोध्याचा मृतदेह एका बाॅक्समध्ये आढळला. मृतदेह बॉक्समध्ये बांधून फेकून दिल्याचे समोर आल्यानं खळबळ उडाली आहे.

पोलिसांनी वेगानं चौकशी करत अयोध्याच्या हत्येमागे नेमकं कोण आहे, याचा तपास केला. पोलिसांनी तपासात लिड घेत, वृंदावनी खरमाडे (वय 35, रा. गिरामनगर, बीड) या महिलेला ताब्यात घेतलं आहे. पोलिसांच्या तपासात अयोध्या आणि संशयित वृंदावनी महिला एकाच गावच्या रहिवासी असल्याचे समोर आलं.

अयोध्याच्या हत्येमागील नेमकं कारण अजूनही स्पष्ट झालेलं नाही. मात्र, दोन महिलांमधील पूर्वीपासूनचे काही वैयक्तिक वाद असल्याचा संशय पोलिसांना आहे. पोलिस या प्रकरणाचा सखोल तपास करत आहेत. अयोध्याचा मृतदेह उत्तरीय तपासणी झाली आहे. महिला होमगार्ड हत्येनं बीड पोलिस दलासह होमगार्डमध्ये मोठी खळबळ उडाली आहे.