Beed News, 23 Feb : बीड जिल्ह्यातील आष्टी तालुक्याच्या हातोला ग्रामपंचायतीच्या विद्यमान महिला सरपंचाच्या पतीने शेतातील झाडाला गळफास लावून घेत आत्महत्या केल्याने एकच खळबळ उडाली आहे.
सरपंचाच्या पतीने हे टोकाचं पाऊल का उचललं? याबाबत अद्याप कोणतीही अधिकृत माहिती समोर आलेली नाही. आष्टी पंचायत समितीचे माजी सदस्य असलेल्या बाबासाहेब ज्ञानदेव गर्जे असे या मृत व्यक्तीचे नाव आहे. बाबासाहेब गर्जे यांचे हे आपल्या कुटुंबासह आष्टी-शेकापूर रस्त्यावर असलेल्या घरात राहत होते.
रविवारी गर्जे हे रोजच्या प्रमाणे आपली दैनंदिन कामे आटोपून घराबाहेर पडले होते. सायंकाळी ते आपल्या घराजवळ असलेल्या शेतात गेले. मात्र, बराच वेळ झाला तरी ते घरी न आल्याने त्यांचे कुटुंबिय त्यांना बोलावण्यासाठी शेतात गेले. तेव्हा समोरचे दृष्य पाहून कुटुंबियांनी एकच आक्रोश केला.
शेतातील एका झाडाला गळफास घेतलेल्या अवस्थेत बाबासाहेब गर्जे यांचा मृतदेह आढळून आला. या प्रकाराची माहिती मिळताच गावकऱ्यांनी घटनास्थळी धाव घेतली. गर्जे हे भाजपचे सक्रिय कार्यकर्ते होते, अशी माहिती समोर आली आहे. आष्टी पंचायत समितीचे सदस्य म्हणूनही ते कार्यरत होते. तर त्यांच्या पत्नी या हातोला गावच्या विद्यमान सरपंच आहेत.
दरम्यान, पोलिसांनी घटनास्थळी धाव घेऊन गर्जे यांचा मृतदेह खाली उतरवून उत्तरीय तपासणीसाठी पाठवला आहे. गर्जे यांनी नेमकी आत्महत्या का केली? त्यांच्यावर कोणाचा दबाव होता का? याबाबत पोलीस तपास करत आहेत. दरम्यान, पोलिसांनी गर्जे यांच्या आकस्मिक मृत्यूची नोंद केली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.