Beed News, 14 Sep : मराठा समाजाला ओबीसीमधून आरक्षण दिल्यामुळे ओबीसींचं आरक्षण संपुष्टात येईल या भीतीमुळे लातूरच्या रेणापूर तालुक्यातील वांगदरी गावातील भरत महादेव कराड नावाच्या तरूणाने आत्महत्या केली.
ही घटना ताजी असातनाच आता ओबीसी आरक्षणासाठी आणखी एका व्यक्तीने आयुष्य संपवल्याची धक्कादायक घटना समोर आली आहे. बीडमधील पिंपळनेर येथील गोरक्ष देवडकर या व्यक्तीने ओबीसी आरक्षणासाठी गळफास घेऊन आत्महत्या केल्याचं समोर आलं आहे.
मागील काही दिवसांपासून राज्यात आरक्षणाचा मुद्दा चांगलाच तापला आहे. एकीकडे मराठा आंदोलक मनोज जरांगे पाटील यांच्या आंदोलनानंतर राज्य सरकारने हैदराबाद गॅझेट लागू करत मराठ्यांना कुणबी प्रमाणपत्र देण्याची मागणी मान्य केली आहे.
मराठा समाजाची मागणी मान्य केल्यामुळे ओबीसी समाजाचे नेते आक्रमक झाले असून त्यांनी मराठ्यांना कुणबी म्हणून प्रमाणपत्र देण्यास विरोध केला आहे. तर दुसरीकडे ओबीसी आरक्षणाच्या बचावासाठी काही ओबीसी बांधवांनी आपलं आयुष्य संपवलं आहे.
बीड जिल्ह्यातील एका व्यक्तीने असंच टोकाचं पाऊल उचलल्यामुळे बीडमध्ये खळबळ उडाली आहे. मिळालेल्या माहितीनुसार, बीडच्या पिंपळनेर येथील गोरक्ष देवडकर यांनी ओबीसींचं आरक्षण संपत असल्याच्या नैराश्यातून आत्महत्या केल्याचं सांगितलं जात आहे. ही आत्महत्या ओबीसी आरक्षण बचावासाठी आत्महत्या करणारी राज्यातील दुसरी घटना ठरली आहे.
दरम्यान, गोरक्ष देवडकर यांच्या कुटुंबियांनी सांगितलं की, गोरक्ष यांची मुलगी पोलीस भरतीची तयारी करत होती. मात्र आता ओबीसी आरक्षण संपण्याच्या नैराश्यातून आपलं आयुष्य संपवलं. तर वडिलांच्या निधनानंतर माझी जबाबदारी कोण घेणार? माझे वडील तर गेले? अशी भावनिक प्रतिक्रिया गोरक्ष देवडकर यांच्या मुलीने दिली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.