Asaduddin Owaisi Nanded speech : ठाकरे बंधू एकत्र येण्यावर 'AIMIM'चे असदुद्दीन ओवैसी यांनी प्रतिक्रिया दिली असून, मराठी मुद्यावर महाराष्ट्रात सुरू असलेल्या राजकीय संघर्षावर मोठा सल्ला दिला आहे.
'ठाकरे बंधू एकत्र येण्याचा विषय हा त्यांचा कौटुंबिक विषय आहे. यावर मी काय सांगू?', असे 'AIMIM'चे असदुद्दीन ओवैसी यांनी म्हटले. याशिवाय हिंदी भाषा सक्तीचा निर्णय मागे झाला आहे. आता त्यावरून हाणामारी होता कामा नये, ती थांबली पाहिजे, असा सल्ला असदुद्दीन ओवैसी यांनी दिला.
स्थानिक स्वराज्य संस्थांच्या निवडणुकीच्या तोंडावर 'AIMIM'ने राज्यात पक्ष संघटना बांधणीला सुरवात केली आहे. पक्षाध्यक्ष असदुद्दीन ओवैसी आणि प्रदेशाध्यक्ष इम्तियाज जलील महाराष्ट्र दौऱ्यावर आहेत. पक्ष संघटना बांधणीसाठी जिल्हानिहाय मेळावा घेत आहेत. पक्षाध्यक्ष ओवैसी नांदेड (Nanded) दौऱ्यावर असताना, त्यांनी ठाकरे बंधू एकत्र येण्यावर, हिंदी भाषा सक्तीचा मागे घेतलेल्या निर्णय आणि बाबरी मशीद राज्यपाल हरिभाऊ बागडे यांनी केलेल्या विधानावर प्रतिक्रिया दिली.
हिंदी भाषा सक्तीचा निर्णय मागे घेण्याच्या मुद्यावर असदुद्दीन ओवैसी (Asaduddin Owaisi) म्हणाले, "मराठी बोलणार्‍यांनी मराठी-मराठीवर प्रेम करणाऱ्यांनी सरकारला निर्णय वापस घ्यायला लावला. परंतु या मुद्द्यावरून हाणामारी होता कामा नाही, हे थांबवलं पाहिजे".
राज्यपाल हरिभाऊ बागडे यांनी बाबरी मशीद पाडत असताना दिवंगत पंतप्रधान नरसिंहराव पूजा करीत बसले होते, असे विधान केले होते. असदुद्दीन ओवैसी यांनी सर्वोच्च न्यायालयात कोर्टात सर्वांनी सांगितलं होतं की, आम्ही त्या ठिकाणी जाऊन कारसेवा करणार आहोत. बाबरी मशि‍दीला हात लावणार नाही. त्यावेळी सर्वांनी तसे वचन देखील दिले होते. परंतु दिलेले वचन तोडण्यात आले. सर्वोच्च न्यायालयात अजून ते प्रकरण सुरू असल्याचे सांगितले.
'सर्वोच्च न्यायालयाला वचन देऊनही 6 डिसेंबरला बाबरी मशीद पाडण्यात आली. राज्यपाल हरिभाऊ बागडे तसं म्हणत असतील, तर त्यांना या प्रकरणात जास्त माहिती असेल. राज्यपाल हरिभाऊ बागडे यांना पहिलेच माहित असेल की बाबरी पडणार आहे, म्हणून त्यांनी असे विधान केले असावे', असे असदुद्दीन ओवैसी यांनी म्हटले. दरम्यान, नांदेड न्यायालयात आज तारीक आहे, न्यायालयाचा निकाल आहे. न्यायालयाचे आम्ही पाबंद आहोत, असेही असदुद्दीन ओवैसी यांनी म्हटले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.