Rohit Pawar Statement On Shinde Group: रोहित पवारांचा मोठा गौप्यस्फोट ; शिंदे गटाचे दहा आमदार नाराज, ठाकरेंकडे येण्यासाठी उत्सुक...

Shinde group News : नेत्यांनी एकमेकांवर नाराज राहण्यापेक्षा, लोकांचे प्रश्न सोडविणे गरजेचे आहे.
Rohit Pawar, Eknath Shinde
Rohit Pawar, Eknath Shindesarkarnama

Beed : राष्ट्रवादी काँग्रेसचे (शरद पवार गट) आमदार रोहित पवार सध्या मराठवाड्याच्या दौऱ्यावर आहेत. धाराशीव येथील पत्रकार परिषदेत त्यांनी शिंदे गटाबाबत मोठा गौप्यस्फोट केला. "शिंदे गटाचे दहा आमदार नाराज आहेत, येत्या काळात हे आमदार उद्धव ठाकरेंकडे जातील, पण त्यांना उद्धव ठाकरे घेतील का हा प्रश्न आहे," असे रोहित पवार म्हणाले.

रोहित पवारांनी तुळजापूरमध्ये येऊन भवानी मातेचे दर्शन घेतले. त्यानंतर ते बोलत होते. "जे आम्हाला सोडून गेले, त्यांच्याबाबत जनतेनेच निर्णय घेतला पाहिजे. पक्षाचा विचार संपविण्याचा प्रयत्न करणाऱ्या आणि भाजपसोबत गेलेल्यांना आमच्यामुळे त्रास होईल," असा इशारा रोहित पवारांनी दिला.

Rohit Pawar, Eknath Shinde
NCP Split : राष्ट्रवादीतील अस्थिरता, काँग्रेसचा सावध पवित्रा : ऐनवेळी वेगळा निर्णय घेतला तर..

रोहित पवार म्हणाले, "सध्या राज्यातील शैक्षणिक आणि राजकीय परिस्थिती खालच्या पातळीवर गेली आहे, याला भाजपच जबाबदार आहे.पण सध्या नेत्यांमधील नाराजीबाबत चर्चा होत आहेत. कोण नाराज आहेत, कुणाच्या बैठका सुरु आहेत, यापेक्षा महाराष्ट्रातील जनता का नाराज आहे, हे पाहणे गरजेचे आहे, त्यांच्या प्रश्नांवर लक्ष केंद्रीत केले पाहिजे. नेत्यांनी एकमेकांवर नाराज राहण्यापेक्षा, लोकांचे प्रश्न सोडविणे गरजेचे आहे,"

Rohit Pawar, Eknath Shinde
Sanjay Raut on PM Modi : मोदींना लोकसभेची निवडणूक सोपी राहिलेली नाही, नेहरू वंशातील एक "गांधी" त्यांच्या विरोधात उभा..

अजित पवारांसोबत गेलेल्या धनंजय मुंडे यांच्या होमपीचमध्ये होणाऱ्या सभेकडे सगळ्याचे लक्ष लागले आहे. मराठवाड्यातील युवा पिढीला पुन्हा एकदा सक्रिय करण्यासाठी रोहित पवार मराठवाड्याच्या दौऱ्यावर आहेत. यावेळी ते उस्मानाबाद व बीड जिल्ह्यातील पदधिकाऱ्यांशी संवाद साधणार आहेत. मराठवाड्यातील राष्ट्रवादी काँग्रेसचा गड सांभाळण्याची जबाबदारी रोहित पवार यांच्यावर आली आहे. सध्या राष्ट्रवादी काँग्रेसच्या जिल्हाध्यक्षपदाची जबाबदारी महेंद्र धुरगुडे यांच्याकडे आहे.

Edited By : Mangesh Mahale

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Politics News on Sarkarnama
sarkarnama.esakal.com