Parli News : शुक्रवारी परळीत अपहरण करून शिवराज दिवटे या तरुणाला बेदम मारहाण केल्याचा व्हिडिओ समाज माध्यमांवर व्हायरल झाला होता. तुझा संतोष देशमुख पार्ट टू करू, अशी धमकी आरोपींनी दिल्यामुळे हे प्रकरण चांगलेच तापले. या प्रकरणात पोलीसांनी दहा पैकी सात आरोपींना अटक केली होती. या अटकेनंतर सोशल मिडियामध्ये समाधान मुंडे याला एका टोळक्याकडून आधी मारहाण झाल्याचे व्हिडिओ व्हायरल झाले होते. दोन गटातील या भांडणाला राजकीय वळण मिळाल्याने आरोप-प्रत्यारोप सुरू झाले आहे.
अशातच समाधान मुंडे याच्या आईच्या तक्रारीवरून त्याला मारहाण करणाऱ्या आठ जणांविरुद्ध पोलीसांनी गुन्हा नोंद केला आहे. (Beed News) भागवत साबळे, सुरेश साबळे याच्यासह इतर आठ जणांच्या विरोधात गुन्हा दाखल करण्यात आला आहे. दिवटेला मारहाण करणाऱ्या समाधान मुंडे या तरुणाला आधी बेदम मारहाण झाल्याचा दावा केला जात आहे. याचा बदला घेण्यासाठी नंतर समाधान मुंडे व इतर सात-आठ जणांनी शिवराज दिवटे याला डोंगरात नेऊन मारहाण केली, असे सांगितले जात आहे.
शिवराज दिवटे याला मारहाण आणि तुझा संतोष देशमुख करू, अशी धमकी दिल्यामुळे पोलीसांनी या प्रकरणाची गंभीर दखल घेत आठ आरोपींना तात्काळ अटक करून त्यांच्यावर गंभीर स्वरुपाचे गुन्हे दाखल केले होते. (Crime News) पोलीस अधीक्षक नवनीत काँवत यांनी मारहाण करणाऱ्या आरोपींमध्ये सगळ्या समाजाचे तरुण होते, याला जातीय रंग न देण्याचे आवाहन केले होते. शिवाय हे व्यक्तिगत कारणावरून झालेले भांडण असल्याचेही त्यांनी सांगितले.
मात्र या प्रकरणात राजकीय नेत्यांचा हस्तक्षेप, आरोपींचे वाल्मीक कराड, धनंजय मुंडे यांच्यासोबतचे फोटो व्हायरल करत त्यांचा या दोघांशी कसा संबंध आहे? हे सांगण्याचा प्रयत्न झाला. शिवराज दिवटे याच्या भेटीसाठी जिल्ह्यातील सर्वच राजकीय नेत्यांनी रुग्णालयात धाव घेत आरोपींवर कठोर शिक्षा आणि फरार आरोपींना अटकेची मागणी करण्यात आली. दरम्यान, दिवटे याला मारहाण होण्याआधी आरोपींमधील समाधान मुंडे, ऋषीकेश गिरी यांना परळीतील जलालपूर येथे जमावाकडून मारहाण करण्यात आल्याचे व्हिडिओ व्हायरल झाले.
रविवारी या प्रकरणात परळी शहर पोलीस ठाण्यात भागवत साबळे व सुरेश साबळे यांच्या विरोधात समाधान याच्या आईच्या तक्रारीवरून गुन्हा दाखल करण्यात आला आहे. समाधान मुंडे हा ऋषिकेश गिरी याला सोडण्यासाठी मोटरसायकलवरून जात असताना जलालपूर येथे चौकामध्ये भागवत साबळे व सुरेश साबळे यांच्यासह इतर सात ते आठ जणांनी त्यांना अडवून जीवे मारण्याच्या उद्देशाने काठी लाथा बुक्क्या व बेल्टने मारहाण केल्याचे या तक्रारीत नमूद करण्यात आले आहे.
समाधान मुंडे व ऋषिकेश गिरी हे शिवराज दिवटे मारहाण प्रकरणातील आरोपी असून आता या दोघांना मारहाण झाल्याच्या तक्रारीवरून गुन्हा दाखल झाल्याने या प्रकरणात नवा ट्विस्ट आला आहे. 16 मे रोजी परळीतील जलालपूर येथे सप्ताहाचा कार्यक्रम होता. त्यासाठी शिवराज दिवटे (वय 18, रा. लिंबोटी, ता. परळी) हा मित्रांसोबत गेला होता. त्याठिकाणी किरकोळ कारणावरून वाद झाल्याने त्याचे अपहरण करून त्याला निर्जनस्थळी नेत रिंगण करून बेदम मारहाण झाली होती.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.