Marathwada Political News : लोकसभा निवडणुकीत शिवसेना उद्धव बाळासाहेब ठाकरे पक्षाचे नेते चंद्रकांत खैरे यांना शिंदेसेनेकडून उमेदवारीची आॅफर देण्यात आली होती. चंद्रकांत खैरे यांनीच हा गौप्यस्फोट काही दिवसापुर्वी केला होता. आज रामनवमीच्या निमित्ताने शिरसाट-खैरे एकत्र आले होते. यावेळी माध्यमांशी बोलताना संजय शिरसाट यांनी खैरे यांना पुन्हा जाहीर आॅफर देत खळबळ उडवून दिली. चंद्रकांत खैरे प्रामाणिक माणूस आहे, त्यांच्याबद्दल आमच्या मनात राग नाही, त्यांच्यासाठी आमचे दरवाजे कायम खुले आहेत, असे शिरसाट यांनी म्हटले आहे.
शिवसेना उद्धव बाळासाहेब ठाकरे पक्षाचे नेते चंद्रकांत खैरे (Chandrakant Khaire) यांच्याबद्दल एकनाथ शिंदे यांची मंत्री संजय शिरसाट यांनी आपुलकी दाखवत त्यांच्याबद्दल आमच्या मनात कुठल्याही प्रकारचा राग नाही. शिवसेनेत त्यांनी अनेक वर्ष कष्ट करून पक्ष वाढवण्यात महत्त्वाची भूमिका बजावली आहे. त्यामुळे आजही आम्ही त्यांना मानतो, त्यांच्यासारखा ज्येष्ठ आणि निष्ठावंत नेता आमच्याकडे आला तर निश्चितच आम्हाला आनंद होईल, अशा शब्दात सामाजिक न्याय मंत्री संजय शिरसाट यांनी शिवसेनेचे नेते चंद्रकांत खैरे यांना दुसऱ्यांदा टाळी दिली.
रामनवमीनिमित्त आयोजित सोहळ्यात खैरे- शिरसाट आज एकत्र आले होते. बऱ्याच दिवसांनी एकाच ठिकाणी शिवसेनेतील हे दोन नेते समोरासमोर आल्यामुळे त्यांच्यावर प्रश्नांची सरबत्ती करण्यात आली. संजय शिरसाट (Sanjay Shirsat) यांनी नुकतेच खैरे यांच्यासाठी आमच्या पक्षाचे दार खुले असल्याचे विधान केले होते. हाच संदर्भ देत शिरसाट यांना चंद्रकांत खैरे यांच्याबद्दल आपल्याला सहानुभूती का? असा प्रश्न विचारण्यात आला. त्यावर चंद्रकांत खैरे हे गेली अनेक वर्ष शिवसेना पक्षासाठी झिजत आहेत. त्यांनी पक्ष वाढीसाठी केलेले काम आणि त्यांचा प्रामाणिकपणा मी त्यांच्यासोबत अनेक वर्ष काम केल्यामुळे पाहिलेला आहे.
त्यांच्यासारख्या जेष्ठ नेत्यांची आज 'उबाठा'मध्ये कुचंबना होत आहे. खैरे यांचीही द्विधामनस्थिती झाली असून मातोश्री सोडता येत नाही आणि स्थानिक पातळीवर कुणी जवळ करत नाही,अशी त्यांची अवस्था झाली आहे. त्यामुळे त्यांच्यासारखा नेता आमच्या पक्षात आला तर त्याचा निश्चितच आम्हाला फायदा होईल, असे म्हणत संजय शिरसाट यांनी चंद्रकांत खैरे यांना पक्षात येण्याची खुली ऑफर दिली. विशेष म्हणजे खैरे आणि शिरसाट यांच्यात काही सेकंदासाठी का होईना, संवादही झाला.
शिरसाट माध्यमांशी बोलत असताना खैरे मात्र तिथून निघून गेले. संजय शिरसाट हे चंद्रकांत खैरे आणि अंबादास दानवे यांच्यात निर्माण झालेल्या तणावाच्या पार्श्वभूमीवर खैरे यांना ऑफर देऊन उचकवत असल्याची चर्चा या निमित्ताने जिल्ह्याच्या राजकारणात होत आहे. खैरे यांच्यासाठी आपल्या पक्षाची दारे खुली आहेत इतरांसाठी नाही, असे शिरसाट आवर्जून सांगतात. दरम्यान चंद्रकांत खैरे यांनी या आधीच आपण उद्धव ठाकरे यांना सोडून कुठेही जाणार नाही, असे स्पष्ट केले आहे. तरी देखील संजय शिरसाट यांच्याकडून वारंवार खैरे यांना पक्षात येण्याची ऑफर दिली जात आहे, हे विशेष.
२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.