Santosh Deshmukh Murder Case : विष्णू चाटेला जेलमध्ये करमेना, पुन्हा हवी वाल्मिक कराडची साथ; न्यायलायत केला अर्ज

Vishnu Chate News : संतोष देशमुख्य हत्या प्रकरणात वाल्मिक कराड मुख्य आरोप आहे. तर आरोपी क्रमांक दोन म्हणून विष्णू चाटे याचे नाव आहे. या आरोपींवर मकोका अंतर्गत कारवाई केली आहे. विष्णू चाटेने सुरुवातील आपल्याला लातूरच्या जेलमध्ये ठेवण्याची विनंती केली होती. त्याप्रमाणे त्याला लातूरच्या जेलमध्ये ठेवण्यात आले होते. मात्र, आता त्याने न्यायालयात अर्ज करून आपल्याला या जेलमधून शिफ्ट करण्याची मागणी केली आहे.

लातूरच्या जेलमध्ये करमत नाही म्हणून बीडच्या कारागृहात हलवण्यात यावे, यासाठी चाटेच्या वकिलाने न्यायालयात अर्ज दाखल केला आहे. यावर सरकारी वकिलांनी बाजू मांडल्यानंतर चाटेच्या मागणीबाबात विचार होऊ शकतो.

संतोष देशमुख हत्या प्रकरणातील आरोपी वाल्मिक कराड, सुदर्शन घुले, प्रतीक घुले, सुधीर सांगळे, महेश केदार, जयराम चाटे हे सहा आरोपी बीडच्या जेल आहेत. तर, एकटा विष्णू चाटे हा लातूरच्या जेलमध्ये आहे. मात्र आता तो बीडच्या जेलमध्ये शिफ्ट करावे यासाठी अर्ज करतो आहे. त्यामुळे त्याला बीडच्या जेलमध्ये वाल्मिक कराडची साथ हवी आहे का? असा प्रश्न निर्माण होतो आहे.

तो मी नव्हेच...

गुरुवारी (ता.10) संतोष देशमुख हत्या प्रकरणाची सुनावणी न्यायालयात झाली. या सुनावणी दरम्यान वाल्मिक कराड याने तो मी नव्हेच अशी भूमिका घेत संतोष देशमुख हत्या प्रकरण आणि आवादा कंपनीच्या खंडणी प्रकरणी आपला काही संबंध नाही. आपल्या विरोधात प्राथमिक पुरावे देखील नाहीत, त्यामुळे आपल्याला मुक्त करण्यात यावे, अशा डिस्चार्ज अर्ज न्यायालयात दाखल केला आहे.

24 एप्रिलला होणार फैसला

वाल्मिक कराड याने दाखल केलेल्या डिस्चार्ज अर्जावर सीआयडीला आपले म्हणणे मांडण्याच्या सूचना न्यायालयाने केल्या आहेत. या संदर्भातील पुढील सुनावणी 24 एप्रिलला होणार आहे. त्यावेळी कराडच्या दाव्यावर आपले म्हणणे मांडेल. ते ऐकुण न्यायालय कराडच्या डिस्चार्ज अर्जावर निर्णय घेईल.

सर्व आरोपी व्हीसीद्वारे हजर

न्यायालयातील सुनावणीसाठी मुख्य आरोपी वाल्मिक कराड, सुदर्शन घुले, प्रतीक घुले, सुधीर सांगळे, महेश केदार, जयराम चाटे हे बीडच्या जेलमधून व्हिसीद्वारे हजर होते. तर, विष्णू चाटे हा लातूरच्या जेलमधून व्हिसीद्वारे सुनावणीला हजर होता.