उमरगा नगरपालिकेत एकनाथ शिंदेंची शिवसेना आणि काँग्रेस यांनी अचानक युती केली असल्याचे समोर आले आहे.
या युतीवरून अंबादास दानवे यांनी एकनाथ शिंदे आणि त्यांच्या शिवसेनेवर “यालाच म्हणतात बुडाखाली अंधार” असा कटाक्षात्मक टीका केली.
या युतीमुळे स्थानिक राजकारणात वाद वाढला असून, उमरग्याच्या मतदारांमध्ये गोंधळ व असमाधानी वातावरण निर्माण झाला आहे.
Shivsena UBT News : काँग्रेस नको म्हणून छाती बडवत सुरत-गुवाहाटी-गोवा असा पळपुटा प्रवास केलात आणि नाकाने वांगे सोलले. आता घ्या! कटप्रमुख एकनाथ शिंदे, सोनिया गांधी आणि राहुल गांधी एकाच बॅनरवर ते ही धनुष्यबाण चिन्हासह, अशी पोस्ट करत शिवसेना उद्धव बाळासाहेब ठाकरे पक्षाचे नेते अंबादास दानवे यांनी एकनाथ शिंदे व त्यांच्या पक्षावर जोरदार हल्ला चढवला आहे. थोडक्यात, दिल्लीश्वरांच्या भीतीने 'बाळासाहेबांचे विचार' खुंटीला टांगले आहेत. याला म्हणतात बुडाखालील अंधार, असा टोलाही दानवे यांनी या निमित्ताने त्यांना लगावला आहे.
उद्धव ठाकरे यांनी काँग्रेस-राष्ट्रवादीसोबत जात 2019 मध्ये राज्यात महाविकास आघाडीचा प्रयोग केला. या आघाडीचे सरकार सत्तेवर येऊन उद्धव ठाकरे मुख्यमंत्री झाले. तेव्हापासून भाजप आणि एकनाथ शिंदे यांच्या शिवसेनेकडून सातत्याने ठाकरे आणि त्यांच्या पक्षावर त्यांनी हिंदुत्व सोडले, पक्ष काँग्रेसच्या दावणीला जाऊन बांधला, स्वाभीमान गहाण ठेवला, अशी टीका केली जाते.
बाळासाहेब ठाकरे यांनी केलेल्या विधानाची सातत्याने आठवण करून देत ठाकरेंना डिवचण्याचे काम राज्यातील सत्ताधारी शिवसेना आणि भाजपच्या नेत्यांकडून अजूनही सुरू आहे. मात्र सत्तेसाठी शिंदेंची शिवसेनाही अखेर काँग्रेस सोबत गेल्याचा प्रकार मराठवाड्यात समोर आला आहे. उमरगा नगरपालिकेत शिवसेनेच्या स्थानिक नेत्यांनी चक्क काँग्रेस सोबत युती केल्याने आता त्यांच्यावर टीकेची झोड उठू लागली आहे.
शिंदेंची शिवसेना, काँग्रेस, रयत क्रांती संघटना, लहूजी शक्ती सेना हे पक्ष उमरगा नगर परिषदेत एकत्र निवडणूक लढवत आहेत. त्यामुळे शिवसेनेच्या कार्यकर्त्यांच्या गळ्यात काँग्रेसचे उपरणे आणि प्रचाराला जाताना हातात झेंडाही दिसत आहे. राज्यात महायुती म्हणून शिवसेना-भाजप-राष्ट्रवादी काँग्रेस पक्ष एकत्र असले तरी स्थानिक स्वराज्य संस्था निवडणुकीत अनेक ठिकाणी हे स्वतंत्र किंवा एकमेकांच्या विरोधात लढत आहेत.
परंतु शिंदेंच्या शिवसेनेने उमरगा नगरपालिकेत थेट काँग्रेससोबत युती केल्याने अनेकांच्या भुवया उंचावल्या आहेत. शिवसेना उद्धव बाळासाहेब ठाकरे पक्षाचे नेते अंबादास दानवे यांनी यावरून एकनाथ शिंदे यांना जोरदार टोला लगावला आहे. याला म्हणतात बुडाखाली अंधार अशा शब्दात दानवे यांनी पोस्ट करत शिंदेवर निशाणा साधला आहे.
1. ही युती का झाली आहे?
शिंदे शिवसेनेला स्थानिक स्तरावर आधार वाढवायचा असल्याने आणि काँग्रेसला मतदारांची साथ हवी असल्याने ही युती झाली असावी.
2. अंबादास दानवे यांनी नेमकी काय म्हटलं?
त्यांनी या युतीला कटाक्ष करीत “यालाच बुडाखाली अंधार म्हणतात” असे म्हणत ती न घडवावी, असा इशारा दिला.
3. युतीमुळे उमरग्याचा राजकीय भूगोल बदलेल का?
होय — युतीमुळे पारंपरिक मतदारांचे भाकीत बदलू शकते, त्यामुळे निकालावर परिणाम होण्याची शक्यता आहे.
4. स्थानिक मतदारांची प्रतिक्रिया काय आहे?
काही मतदार युतीला सकारात्मक म्हणत आहेत, तर काही याकडे धोका म्हणून पाहतात; त्यामुळे मतदारांमध्ये द्विधा मनस्थिती दिसते.
5. पुढचे पाऊल काय असू शकते?
स्थानिक नेत्यांकडून अधिक स्पष्टता, विरोधी पक्षांकडून उपाययोजना आणि मतदारप्रभावी प्रचार चालू होण्याची शक्यता आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.