Mumbai News : राज्यातील246 नगरपालिका व 42 नगरपंचायतींच्या सदस्यपदासाठी आणि थेट नगराध्यक्षपदाच्या सार्वत्रिक निवडणुकांसाठी 2 डिसेंबरला मतदान होणार आहे. अवघ्या पाच दिवसावर मतदान आल्याने सर्वत्र प्रचार जोरात सुरु आहे. प्रचाराचा कालावधी संपण्यासाठी चार दिवस हातात होते. मात्र, अपक्षांना बुधवारी चिन्हाचे वाटप करण्यात आले. त्यामुळे प्रचारासाठीचा कालावधी वाढवण्यात आला आहे. याआधी 30 नोव्हेंबर 5 पर्यंत प्रचाराची मुदत होती. पण आता त्यामध्ये वाढ करून नगरपालीका व नगरपंचायतींच्या निवडणुकीसाठी 1 डिसेंबरला रात्री 10 वाजेपर्यंत प्रचार करता येणार आहे.
निवडणूक आयोगाने गुरुवारी मंगळवारी 2 डिसेंबरला होत असलेल्या मतदानाच्या वेळेत बदल केला होता. त्यानुसार आता 2 डिसेंबरला सकाळी 7.30 ते सायंकाळी 5.30 पर्यंत मतदानाची वेळ असणार आहे. तर मतमोजणी 3 डिसेंबरला सकाळी 10 वाजल्यापासून सुरुवात होणार आहे. त्यानंतर आता नगरपंचायतींच्या निवडणुकीत १ डिसेंबरला सायंकाळी ५ पर्यंत प्रचार करता येणार आहे.
नगरपालिका निवडणुकीच्या रिंगणात उतरलेल्या अपक्ष उमेदवारांना २६ नोव्हेंबरला बुधवारी चिन्हाचे वाटप करण्यात आले. त्यामुळे या उमेदवाराना प्रचारासाठी चार दिवसाचा कालावधी मिळणार होता. त्यामुळे हा प्रचाराचा कालावधी वाढवण्याचा निर्णय निवडणूक आयोगाने घेतला आहे. प्रचारासाठी एक दिवसाची मुदतवाढ देण्यात आली असल्याने सर्वच उमेदवारांना मोठा दिलासा मिळाला आहे.
राज्यातील 246 नगरपालिका व 42 नगरपंचायतींच्या सदस्यपदासाठी आणि थेट नगराध्यक्षपदाच्या राज्यातील नगरपरिषद आणि नगरपंचायतीच्या मतदानासाठी निवडणूक आयोगाची यंत्रणा सज्ज झाली आहे. या निवडणुकांसाठी राज्यभरातुन एकूण 1 कोटी 7 लाख 3 हजार 576 मतदार मतदानाचा हक्क बजावणार आहेत. त्यासाठी सुमारे 13 हजार 355 मतदान केंद्रांची व्यवस्था करण्यात आल्याची माहिती निवडणूक आयोगाने दिली आहे.
मंगळवारी होत असलेल्या या निवडणुकांसाठी ईव्हीएम मशीनचा व्यवस्था करण्यात आली असून त्यात 13 हजार 726 कंट्रोल युनिट आणि 27 हजार 452 बॅलेट युनिटची उपलब्धता करण्यात आली आहे. सदस्यपदासाठी आणि थेट अध्यक्षपदाच्या सार्वत्रिक निवडणुकांसाठी आता 2 डिसेंबरला सकाळी 7.30 ते सायंकाळी 5.30 पर्यंत मतदानाची वेळ असणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.