BJP Politics : कर्जत जामखेडमध्ये रोहित पवारांना धक्का, राम शिंदेंनी बालेकिल्ल्यातच लावला सुरुंग

BJP Politics : कर्जत जामखेडमध्ये आमदार रोहित पवार यांना भाजपने मोठा धक्का दिला आहे. रोहित पवार यांच्या निकटवर्तीय पदाधिकाऱ्यांचा भाजपात प्रवेश केला आहे.

कर्जत जामखेडचे तालुकाध्यक्ष प्रा. मधुकर राळेभात यांच्यासह ठाकरे गटाचे जामखेड तालुकाध्यक्ष संजय काशीद, जामखेड शहराध्यक्ष सुरज काळे यांनी उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे, मंत्री राधाकृष्ण विखे पाटील आणि आमदार राम शिंदेंच्या उपस्थितीत भाजपमध्ये प्रवेश केला.

विधानसभा निवडणुकीच्या दृष्टीने शरद पवार गटातील पदाधिकाऱ्यांना प्रवेश देत रोहित पवार यांची वाटचाल अवघड करण्याची चाल भाजपकडून खेळण्यात आली आहे. कर्जत जामखेड मतदारसंघात रोहित पवार विरुद्ध राम शिंदे यांचा सामना होण्याची शक्यता वर्तवली जात आहे.

मधुकर राळेभात हे मागील एका दिवसांपासून नाराज असल्याची चर्चा होती. ते कुठल्या पक्षात जाणार याची उत्सुकता मतदारसंघात होती. अखेर त्यांनी भाजपमध्ये प्रवेश केला. भाजपमध्ये प्रवेशाच्या आधीच आपण निवडणूक लढण्यास इच्छूक असून तिकीटाची मागणी करणार आहोत. जर तिकीट नाही मिळाले तर रोहित पवार यांच्या विरोधात असणाऱ्या उमेदवाराला सर्व मदत करणार असे देखील राळेभात म्हणाले होते.

प्रस्थापित विरुद्ध विस्थापित लढाई

मधुकर राळेभात यांच्या पक्षप्रवेशावेळी उपमुख्यमंत्री देवेंद्र फडणवी म्हणाले, कर्जत जामखेडची लढाई प्रस्थापितांच्या विरुद्ध विस्थाप अशी लढाई आहे. विस्थापितांचे नेतृत्व करणारे यांनी प्रवेश केला आहे. हे सगळे जमिनीवर काम करून हे सगळे वर आले आहे. कोणीही तोंडात सोन्याचा चमचा घेऊन जन्मले नाहीत. भाजपची ताकद वाढली आहे.

पवारांना मतदारसंघातच अडकवणार?

विधानसभा निवडणुकीमध्ये रोहित पवार हे शरद पवार गटाकडून महाराष्ट्रभर प्रचार करण्याची शक्यता आहे. आपल्या आक्रमक शैलीने त्यांनी लोकसभेला भाजपवर घणाघाती हल्ला केला होता. त्यामुळे रोहित पवारांना त्यांच्याच मतदारसंघात अडकवून ठेवण्याची रणनीती भाजप आखत असल्याची चर्चा आहे.