Palghar ZP : राज्यातील 12. जिल्ह्यातील जिल्हा परिषद आणि 125 पंचायत समितीच्या निवडणुकीचे बिगुल वाजले आहे. या जिल्हा परिषद आणि पंचायत समितीसाठी. 5. फेब्रुवारीला मतदान होणार असल्याचे निवडणूक आयुक्तांनी पत्रकार परिषदेत जाहीर केले आहे. मात्र, आदिवासी जिल्हा असलेल्या पालघर जिल्हा परीषदेची निवडणूक वाढीव आरक्षणामुळे लांबली आहे. त्यामुळे सर्वच पक्षातील इच्छुक उमेदवारांची धाकधुक वाढली आहे.
पालघर जिल्हा परीषदेत आठ तालुके आहेत. जिल्ह्याच्या ग्रामीण भागाचा विकास ह्याच स्थानिक स्वराज्य संस्थांकडून केला जातो. पालघर जिल्हा परिषदेत 57 जागा आहेत. तर, 8. तालुक्यातील पंचायत समितीमध्ये 114 जागा आहेत. मात्र, पालघर जिल्हा परीषद वाढीव आरक्षणामुळे अडचणीत आली आहे.
राज्यातील 50 टक्क्यांपेक्षा जास्त आरक्षण असलेल्या जिल्हा परिषदेच्या निवडणूका न्याय प्रविष्ट आहेत. त्यामध्ये पालघर जिल्हा परीषद देखील अडकली आहे. या निवडणुकीसाठी अनेक महिन्यांपासून तयारी केलेल्या इच्छुक उमेदवारांची धाकधुक वाढली आहे. पुन्हा आरक्षणाची सोडत होणार काय ? याची जिल्ह्यात चर्चा सुरू झाली आहे. त्यामुळे ईच्छुकांनी बांधलेला मतदारसंघ आपल्या हातून जाणार ? या धास्तीने इच्छुकांची धाकधुक अधिकच वाढली आहे.
निवडणूक आयोगाने कोकण विभागातील रायगड, रत्नागिरी आणि सिंधुदुर्ग या तीन जिल्ह्यसह राज्यातील 12 जिल्हा परिषद आणि 125 पंचायत समितींच्या निवडणुकांचा कार्यक्रम जाहीर केला आहे. या जिल्हा परिषदांसाठी 5 फेब्रुवारीला मतदान होणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
