Ajit Pawar Plane Crash Video: 'विमानाचा भयंकर आवाज येत होता म्हणून फोटो व्हिडिओ...', त्या अखेरच्या क्षणाचा व्हिडिओ ११ वर्षांच्या मुलीने केला मोबाईलमध्ये कैद...

Ajit Pawar Death News: महाराष्ट्र राज्याचे उपमुख्यमंत्री अजित पवार यांचे आज सकाळी झालेल्या विमान अपघातामध्ये बारामती येथे दुर्दैवी निधन झाले. दरम्यान या अपघाताबाबत विविध कारणे समोर येताना पाहायला मिळत असून आता एका मुलीने केलेला व्हिडिओ समोर येत असून तो सध्या चांगलाच व्हायल होताना दिसत आहे.

प्राथमिक माहितीनुसार विमानतळाच्या रणवेवर दृश्यमानता कमी असल्याने हा अपघात झाला असल्याची शक्यता वर्तवण्यात येत आहे. पायलटला धावपट्टी दिसत नसल्याने दोन वेळा पायलटणे विमानतळा भोवती गिरट्या घातल्याचा देखील सांगितले जात आहे. आणि त्यानंतर आपल्याला रनवे दिसत असल्याचे सांगत वैमानिकाने विमान उतरवण्याचा प्रयत्न केला आणि याच दरम्यान अपघात झाल्याचे सांगितले जात आहे.

दरम्यान आता एक व्हिडिओ समोर आला आहे. ज्यामध्ये एक विमान दिसत असून ते बारामतीकडे जात आहे. याच विमानामधूनच अजित पवार प्रवास करत होते असा दावा करण्यात येत आहे. हा व्हिडिओ अपघात ग्रस्त विमानाचा असून अखेरच्या क्षणांचा असल्याचेही सांगितलं जात आहे. हा व्हिडिओ जळगाव सुपे येथील निशा सचिन खोमणे या अवघ्या ११ वर्षांच्या मुलीने आपल्या मोबाईलमध्ये टिपल्याची माहिती मिळत आहे.

निशा ही आपल्या घरी असताना अचानक आकाशात विमान गिरट्या घालत असल्याचा मोठा आवाज ऐकू आला. मोठा आवाजाने ती घराबाहेर आली. यावेळी सतत घिरट्या घालणारे विमान पाहून तिने आपल्या मोबाईल कॅमेऱ्यात हा संपूर्ण प्रसंग रेकॉर्ड केला. त्यानंतर काही वेळातच या विमानाचा अपघात झाल्याची बातमी समोर आली.

सध्या हा व्हिडिओ सोशल मीडियावर वेगाने व्हायरल होत असून, अपघाताच्या आधीच्या क्षणांचे दृश्य असल्याचा दावा केला जात आहे. संबंधित विमानात अजित पवार असल्याचेही सांगितले जात असतानाच याबाबत त्या मुलीची प्रतिक्रिया देखील समोर आली आहे.

याबाबत निशा म्हणाली, मला आठ वाजून 35 मिनिटांनी आमच्या इथून एक विमान जाताना दिसलं त्याचा आवाज भयंकर असा येत होता. त्यामुळे मी त्याचे फोटो आणि व्हिडिओ काढले. त्यानंतर थोड्याच वेळात समजलं की त्या विमानामध्ये दादा होते.