ED Raid Action Sangli Bank : सांगलीतील बँक 'ईडी'च्या रडारवर; 1 हजार कोटी वळते केल्याचा आरोप..

Sangli News : राजाराम सहकारी बँकेच्या (Rajaram Co-Operative Bank) कार्यालयासह पश्चिम महाराष्ट्रातही एकूण १४ ठिकाणी ईडीने छापेमारी केली. दहा वर्ष जुन्या एक हजार कोटी रूपयांच्या व्यवहारावर संशयास्पद व्यवहाराचा ईडीकडून तपास सुरू आहे. या अनुषंगाने ईडीने छापेमारी केली आहे. अशी बातमी एबीपी माझा या वृत्तवाहिनीने दिले आहे.

बनावट कागदपत्रांच्या आधारे खाती उघडून रकमा रोख स्वरूपात वळत्या करण्यात आलेल्या आहेत, अशी तक्रार जीएसटी विभागाने ईडीकडे केली होती. या कथित घोटाळ्यात बँकेचे अधिकारी सहभागी असल्याचा ईडीला संशय आहे. या प्रकरणी चौकशीच्या फेऱ्यात असणाऱ्या सीएच्या कार्यालयावरही ईडीने छापेमारी केली आहे.

या बँकेच्या मुख्य कार्यालयावर काल (दि.२३ जून) छापेमारी झाली. सांगलीमध्ये ईडीचे अधिकारी चौकशी करत होते. दहा वर्ष जुनं हे प्रकरण आहे. या बँकेतून १ हजार कोटी रूपये वळते केल्याचा आरोप करण्यात आलेला आहे. यामुळे बँकेचे अधिकारी आणि सांगलीतील काही व्यापारीही ईडीच्या रडारवर आहेत.