Satara Maratha Reservation : मराठ्यांच्या राजधानीत ४० हजार कुणबी नोंदी; युद्धपातळीवर तपासणी सुरू

Maratha Reservation : मराठा समाजाला कुणबीचे दाखले देण्यासाठी सातारा जिल्हा प्रशासनाच्या सर्व विभागांकडून कुणबीच्या नोंदींची तपासणी सुरू आहे. आतापर्यंत १२ विभागांनी मिळून १९ लाख १९ हजार ३१५ नोंदींची तपासणी केली आहे. त्यातून मराठा कुणबी आणि कुणबी मराठा अशा ४० हजार ९०९ नोंदींचे पुरावे सापडले आहेत. ज्या तालुक्यात नोंदी सापडल्या आहेत, त्या ठिकाणी दाखले वाटप केले जात आहे.

मराठा समाजाला Maratha Reservation कुणबीचे दाखले देण्यासाठी आवश्यक असलेल्या जुन्या नोंदी तपासण्याचे काम शासनस्तरावरून Satara collector युद्धपातळीवर सुरू आहे. जिल्ह्यातील १२ शासकीय विभाग आपापल्याकडील जुन्या दस्तावेजांच्या तपासण्या करून अशा नोंदींचा शोध घेत आहेत.

त्यासाठी तहसील कार्यालयापासून ते नगरपालिका, ग्रामपंचायतींच्या जुन्या नोंदी, कारागृहातील जुन्या नोंदी, दस्त नोंदीतील जातीचा उल्लेख आदींची तपासणी होत आहे. त्यानुसार आतापर्यंत जिल्हा प्रशासनाच्या सर्व विभागांनी मिळून १९ लाख १९ हजार ३१५ नोंदींची तपासणी केली आहे.

यामध्ये १९४८ ते १९६७ पर्यंतच्या सात लाख ९५ हजार, ८६५ नोंदींची तपासणी केली आहे. १९४८ पूर्वीच्या ११ लाख २३ हजार ४५० नोंदींची तपासणी झाली आहे. यातून एकूण ४० हजार ९०९ कुणबी मराठा व मराठा कुणबी अशा नोंदींचे पुरावे सापडले आहेत. आता ज्या तालुक्यात असे पुरावे उपलब्ध झाले आहेत. त्या ठिकाणच्या मराठा समाजाला दाखले देण्याचेही काम सुरू आहे. Maharashtra Political News

नोंदी तपासणीचे काम यापुढेही सुरू राहणार आहे. आतापर्यंत सर्व विभागांनी १९ लाख १९ हजार ३१५ नोंदींची तपासणी केली आहे. पुरावे सापडले आहेत, त्या तालुक्यात दाखले देण्याची प्रक्रिया सुरू आहे.

- नागेश पाटील, निवासी उपजिल्हाधिकारी, सातारा

Edited By : Umesh Bambare