Sangli News : सांगली जिल्हा बँकेची 559 जागांची नोकर भरती निघाली होती. मात्र, त्या नोकरभरतीत माजी मंत्री आणि आमदार सदाभाऊ खोत यांनी खोट काढली. यासंदर्भात मुख्यमंत्री देवेंद्र फडणवीस यांच्याकडे तक्रार केल्यानं सांगली जिल्हा बँकेबाबत मुख्यमंत्र्यांनी मोठी ॲक्शन घेतली आहे. थेट जयंत पाटील (Jayant Patil) यांनाच झटका देत या नोकर भरतीला तात्काळ स्थगिती देण्याचे आदेश मुख्यमंत्री देवेंद्र फडणवीस यांनी दिली आहे. शिवाय नव्याने नोकर भरती प्रक्रिया राबवण्याचे निर्देश दिले आहे.
पंधरा दिवसांपूर्वी सांगली जिल्हा मध्यवर्ती बँकेने 559 जागांसाठी भरती प्रक्रिया राबवण्याची जाहिरात प्रसिद्ध केली होती. मात्र, माजी मंत्री आणि आमदार सदाभाऊ खोत व आमदार गोपीचंद पडळकर यांनी या नोकर भरतीला विरोध करत माजी मंत्री आणि आमदार जयंत पाटील यांच्यासह सत्तेतील सहकार मंत्र्यांवर आरोप करत लवकर भरती स्थगिती करावी अशी मागणी मुख्यमंत्री देवेंद्र फडणवीस यांच्याकडे केली होती. त्यानंतर देवेंद्र फडणवीस यांनी जिल्हा बँकेला आदेश दिले आहेत. बँकेच्या 559 जागाच्या नोकरभरतीला स्थगिती देत नव्याने नोकर भरती प्रक्रिया राबवण्याचे आदेश बँकेला राज्य सरकारकडून देण्यात आलेत.
दरम्यान, यासंदर्भात मुख्यमंत्री देवेंद्र फडणवीस (Devendra Fadnavis) यांनी आदेश देताना, सदरची नोकर भरती ही IBPS ((इंडियन बँकिंग पर्सोनेल सिलेक्शन) किंवा TCS (टाटा कन्सलटन्सी सव्हीसेस) यापैकी कोणत्याही एका कंपनी मार्फत निवड करण्याबाबत देखील बँकेस राज्य सरकारने आदेश दिलेत.
सांगली जिल्हा सहकारी मध्यवर्ती बँकेतील नोकर भरतीला स्थगिती दिली आहे, तसेच राज्यातील सर्व सहकारी बँकेतील भरतीसाठी आयबीपीएस व टीसीएस या संस्थाद्वारे भरती प्रक्रिया राबवण्याचे आदेश देण्यात आले आहेत.
याबाबत सहकार विभागाच्या अवर सचिव मंजुषा साळवी यांनी सहकार आयुक्त पुणे यांना आदेश काढले असल्याची माहिती माजी मंत्री आमदार सदाभाऊ खोत यांनी पत्रकार परिषदेत दिली.
या नोकर भरतीत एका लिपीक उमेदवारासाठी 20 ते 25 लाख व शिपाई उमेदवारासाठी 12 ते 15 लाख रुपये दर असल्याची चर्चा सुरु आहे. यापूर्वी सन 2011 मध्ये केलेल्या नोकर भरतीत प्रचंड गैरव्यवहार झाला असून, त्याची चौकशी पूर्ण झाली आहे.
अशा परिस्थितीत नोकर भरतीत पात्र व योग्य उमेदवार येणे आवश्यक आहे. अशी तक्रार आमदार सदाभाऊ खोत व आमदार गोपीचंद पडळकर यांनी मुख्यमंत्री देवेंद्र फडणवीस यांच्याकडे केली होती.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.