पुण्यातील खराडी येथील स्टे बर्ड हॉटेलमध्ये पोलिसांनी केलेल्या रेव्ह पार्टीवर छाप्यात प्रांजल खेवलकर यांना अटक करण्यात आली असून ते एकनाथ खडसे यांचे जावई आहेत.
खडसे यांनी पत्रकार परिषदेत पोलिस तपासावरच प्रश्नचिन्ह उपस्थित केले आणि यामध्ये हनी ट्रॅपचा आरोप केला.
त्यांनी दावा केला की सांगली आणि नाशिकमध्ये दोन माजी मंत्र्यांना हनी ट्रॅपमध्ये अडकवण्यात आलं आहे, ज्यामुळे राज्यात खळबळ उडाली आहे.
Pune News : पुण्यातील खराडी भागात स्टे बर्ड हॉटेलमध्ये कारवाई करत पोलिसांनी रेव्ह पार्टी उधळवून लावली होती. या प्रकरणात राष्ट्रवादी काँग्रेस शरदचंद्र पवार पक्षाचे नेते एकनाथ खडसे यांचे जावई प्रांजल खेवलकर यांना अटक झाली आहे. त्यांना दोन दिवसांची पोलिस कोठडी देण्यात आली आहे. ती आज संपेल तर न्यायालय या प्रकरणात पुढचा निर्णय काय घेतं याकडे राज्याचे लक्ष लागले आहे. यादरम्यान खडसे पुण्यात यांनी पत्रकारपरिषद घेत पोलिसांच्या तपासावरच प्रश्नचिन्ह उपस्थित केले आहेत. तसेच त्यांनी नाशिकबरोबर सांगलीतही हनी ट्रॅप झाल्याचा दावा केला. तर या ट्रॅपमध्ये दोन माजी मंत्री अडकल्याचा दावाही त्यांनी केला. यादाव्यामुळे आता सांगलीत खळबळ उडाली आहे. (Eknath Khadse defends son-in-law Pranjal Khewalkar after rave party arrest and alleges honey trap conspiracy involving former ministers in Maharashtra)
कथित रेव्ह पार्टी प्रकरणामुळे राज्यातील राजकारण तापलं असतानाच त्यांनी सांगलीमध्येही हनी ट्रॅप झाल्याचा खळबळजनक दावा केला आहे. त्यांनी नाशिकनंतर सांगलीमध्येही हनी ट्रॅप झाल्याचा दावा केला. यावेळी ते म्हणाले, सांगलीमधील दोन माजी मंत्री हनी ट्रॅप अडकले आहेत. ते आपण शोधून काढू असे एकनाथ खडसे यांनी दावा केला आहे.
दरम्यान नाशिक हनी ट्रॅप प्रकरणात खडसे यांनी महाजन यांचे नाव घेतले होते. पण गिरीश महाजन यांनी त्यावर कोणतीच प्रतिक्रिया दिली नव्हती. यावरून ते गप्प का आहेत असा सवाल करताना आपण ती सी डी बघितली असून त्यावर आत्तच बोलणार नाही, असेही खडसेंनी सांगितलं आहे. पण खडसे यांनी सांगलीचं नाव घेतल्याने ते माजी मंत्री कोण असा सवाल आता जिल्ह्यात विचारला जात आहे.
तसेच खडसे यांनी जावायावर झालेल्या कारवाईवरून प्रश्नचिन्ह उपस्थित करताना काही सवाल ही विचारले. त्यांनी, फक्त सात जन, कोणताही दंगा नाही, गोंधळ नाही, डान्स नाही, ते पार्टी करत आहेत. त्याला रेव्ह पार्टी कशी म्हणता येईल असे विचारत पोलिसांनी रेव्ह पार्टीची व्याख्या सांगावी असे म्हटलं आहे. आणि जर पोलिसांची व्याख्या अशीच असेल तर राज्यातील प्रत्येक घरात पाच-सहा जण पार्टी करायला बसले तर ती रेव्ह पार्टी होईल... असाही दावा त्यांनी केला आहे.
यावेळी त्यांनी पोलिसांनी केलेली कारवाई ही जाणीवपूर्वक केलेली असून जावायाला बदनाम करण्याचं प्रयोजन दिसत आहे. पोलिसांनी ही कारवाई निव्वळ बदनामी करण्यासाठीच कारवाई केलीय. अशा प्रकरणात पहिल्यांना कोणाचेच चेहरे दाखवायचे नसतात. पण पोलिसांनी पुरुषांबरोबरच महिलांचे ही फोटो दाखवले. त्यामुळे ही कारवाई बदनामी करण्याचे षडयंत्र असल्याचेही खडसे म्हणाले.
प्रश्न 1: प्रांजल खेवलकर कोण आहेत आणि त्यांना का अटक झाली?
उत्तर: प्रांजल खेवलकर हे एकनाथ खडसे यांचे जावई आहेत. त्यांना पुण्यातील रेव्ह पार्टी प्रकरणात अटक करण्यात आली आहे.
प्रश्न 2: खडसे यांनी कोणते आरोप केले?
उत्तर: खडसे यांनी पत्रकार परिषदेत पोलिस तपासावर प्रश्न उपस्थित करत सांगली व नाशिकमध्ये दोन माजी मंत्र्यांना हनी ट्रॅपमध्ये अडकवण्यात आल्याचा दावा केला.
प्रश्न 3: यामुळे कोणत्या भागात खळबळ उडाली आहे?
उत्तर: पुणे, नाशिक आणि सांगली या भागांमध्ये खडसे यांच्या आरोपांमुळे राजकीय खळबळ माजली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.