Gokul News: गोकुळ दूध संघाची वार्षिक सर्वसाधारण सभा येत्या 9 सप्टेंबर रोजी पार पडत आहे. पार्श्वभूमीवर गोकुळच्या सर्व संचालक पदाधिकारी आणि अधिकाऱ्यांकडून तालुकास्तरावर दूध उत्पादक शेतकरी आणि सभासदांच्या बैठका संपन्न होत आहेत. वार्षिक सर्वसाधारण सभेत विरोधकांकडून होत असलेला गोंधळ आणि नेहमीच ही सभा गाजत असल्याने गोकुळची सभा ही राज्यभर गाजत असते. यंदा मात्र महायुती म्हणून ही सभा सुरळीत पडण्याचे संकेत मंत्री हसन मुश्रीफ यांनीच दिले आहेत. यंदाची वार्षिक सर्वसाधारण सभेत संचालिका शौमिका महाडिक या व्यासपीठावर असतील, असे मंत्री हसन मुश्रीफ (Hasan Mushrif) यांनी म्हटले आहे.
संचालिका शौमिका महाडिक या गेली चार वर्षे विरोध करीत होत्या. आता महायुतीचाच अध्यक्ष असल्यामुळे येणाऱ्या वार्षिक सर्वसाधारण सभेत त्या फलक घेऊन येणार नाहीत, घोषणा देणार नाहीत. सभा शांततेत होईल. तसेच; त्यांचे माहेर कागल आहे..म्हणून या संपर्क सभेला आल्या, अशा शब्दात खोचक आणि उपहासात्मक चिमटा मंत्री हसन मुश्रीफ यांनी काढला आहे.
गोकुळ दूध संघाचे संचालक मंडळ गोव्याला का गेले होते ? याचे कोडे मलाही उलगडले नव्हते. माहिती घेतली असता ते स्वतःच्या खर्चाने गेले होते असे आढळून आले. त्यामुळे तो मुद्दा मी आता काढत नाही. दरम्यान; गोव्यामध्येही गोकुळ दुधाची विक्री होते. अधिकची बाजारपेठ आणि मार्केटिंगसाठी त्या सरकारचेही सहकार्य मिळण्यासाठी संचालक मंडळ तिथले मुख्यमंत्री प्रमोद सावंत यांनाही भेटले असल्याचे मंत्री मुश्रीफ यांनी स्पष्ट केले.
काय आहे इतिहास?
मागील 25 वर्षे गोकुळ दूध संघ हा माजी आमदार महादेवराव महाडिक आणि दिवंगत आमदार पीएन पाटील यांच्या नेतृत्वाखाली काम करत होता. त्यावेळी काँग्रेस नेते आमदार सतेज पाटील मंत्री हसन मुश्रीफ आणि इतर सहकाऱ्यांनी गोकुळच्या वार्षिक सर्वसाधारण सभेत विविध मुद्द्यांवरून गोंधळ घातला होता.
परिणामी, हाणामारीही झाली होती. मागील 4 वर्षांत ही सत्ता काँग्रेस नेते आमदार सतेज पाटील आणि मंत्री मुश्रीफ यांच्या गटाकडे आहे. गेल्या चार वर्षांपासून गोकुळच्या कारभारांवर गोकुळच्या संचालिका शौमिका महाडिक (Shoumika Mahadik) त्यांनी आवाज उठवला होता.
वार्षिक सर्वसाधारण सभेत केवळ गोंधळच सभासदांच्या नशिबी येत होता. यंदा मात्र महायुती म्हणून राज्यात सूत जमल्याने विरोध मावळेल, अशी शक्यता राजकीय स्तरातून उमटत आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.