सोलापूर : राज्याचे आरोग्य मंत्री तानाजी सावंत (Tanaji Sawant) यांचे थोरले बंधू कालिदास सावंत यांचे जावई जयसिंह चक्रपाणी गुंड (रा. अनगर, ता. मोहोळ, जि. सोलापूर) यांच्यासह चौघांवर मोहोळ पोलिस ठाण्यात ॲट्रोसिटीचा गुन्हा (Crime) दाखल झाला असून त्याच दिवशी मध्यरात्री त्यांना अटक झाली आहे. (Health Minister Tanaji Sawant's son-in-law arrested)
आरोग्य मंत्री तानाजी सावंत हे मूळचे सोलापूर जिल्ह्याच्या माढा तालुक्यातील वाकाव गावचे आहेत. सोलापूरचे शिवसेना संपर्कप्रमुख शिवाजीराव सावंत यांच्यासह पाच भावांचे त्यांचं कुटुंबीय आहे. यातील थोरले बंधू कालिदास सावंत यांची मुलगी अनगर (ता. मोहोळ) येथील जयसिंह चक्रपाणी गुंड यांना दिलेली आहे.
जयसिंह चक्रपाणी गुंड हे ग्रामविकास अधिकारी आहेत. त्यांचा मुलगा प्रथमेश जयसिंह गुंड यांचा अनगरमध्ये छोटासा व्यवसाय आहे. सहा महिन्यांपूर्वी आमची मका लवकर खरेदी का करत नाही; म्हणून जयसिंह चक्रपाणी गुंड, प्रथमेश जयसिंह गुंड, जयवंत महादेव थिटे, अक्षय राजेंद्र कारमकर या चौघांनी गावातील एकास शिवीगाळ केली होती, त्याबाबतचा गुन्हा त्यांच्यावर मोहोळ पोलिसांत दाखल केला आहे.
या गुन्ह्याला १९ फेब्रुवारी रोजी शिवजयंतीच्या दिवशी झालेल्या बाचाबाची प्रकाराची पार्श्वभूमी आहे. दरम्यान, राजकीय वैमनस्यातून जयसिंह गुंड व प्रथमेश गुंड यांना मारहाण झाल्याचे त्यांच्याकडून सांगण्यात आले.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.