Mangalsutra Chor : मंगळसूत्र चोर म्हणून पडळकरांची खोडी का काढली? त्या दिवशी काय झालं? आव्हाडांनी सांगितला विभानभवनातील वादाच प्रसंग

Sangli News : भाजप आमदार गोपीचंद पडळकर यांनी राष्ट्रवादी काँग्रेस शरदचंद्र पवार पक्षाचे नेते माजी मंत्री तथा आमदार जयंत पाटील यांच्यावर वादग्रस्त टीका केली. यावेळी त्यांनी थेट स्वर्गीय राजारामबापू पाटील यांच्यावर देखील चिखलफेक केली. यावरून गेल्या दोन दिवसांपासून राज्यातील राजकीय वातावरण चांगलेच तापलेलं आहे. त्याच मुद्द्यावरून आज (ता. 22) सांगलीत राष्ट्रवादीने महाराष्ट्र संस्कृती बचाव मोर्चा काढला. ज्यात महाविकास आघाडीचे नेतेही सहभागी झाले होते. यावेळी राष्ट्रवादीचे नेते जितेंद्र आव्हाड यांनी पडळकरांवर जोरदार पलटवार केला. त्यांनी पडळकरांनी जयंत पाटलांसह त्यांच्या वडिलांवर अश्लील वक्तव्य केलं. त्यावर जयंत पाटील गप्प बसले, त्यांनी पलटवार केला नाही. ते गप्प बसले तरी मी गप्प बसणार नाही, असा इशाराही आव्हाड यांनी दिला आहे.

राष्ट्रवादीच्या संस्कृती बचाव मोर्चात आव्हाड यांनी सहभाग घेत पडळकरांच्या वक्तव्यावर पुन्हा प्रहार केला. यापूर्वी विधिमंडळ परिसरातही आव्हाड विरुद्ध पडळकर असा वाद रंगला होता. त्याच वादाचे पडसाद या निमित्ताने बाहेर पडले. यावेळी आव्हाड यांनी आपण विधीमंडळात मंगळसूत्र चोर म्हणून का ओरड केली याचेही कारण सांगितले. यामुळे आता पडळकर-आव्हाड वाद पुन्हा सुरू होण्याची शक्यता आहे.

आव्हाड यांनी विधीमंडळातील वादावर भाष्य करताना म्हणाले की, 'विधीमंडळात मी आल्यानंतर पडळकर यांनी मला डिवचलेय. त्यांनी, हा बघा आला लांड्या, असा उल्लेख केला. मी त्यावर त्याच दिवशी टीका केली. पण यानंतर पडळकरांनी माझ्या अंगावर गाडी घालण्याचा प्रयत्न केला. मात्र, यावेळी दिवंगत सरपंच संतोष देशमुख यांच्या भावाला गाडीची धडक बसली.

त्यानंतरच मी त्यावरून प्रतिक्रिया देताना, मंगळसूत्र चोराचा... अशी घोषणा विधिमंडळ परिसरात दिल्याचे ते म्हणाले. पण आता पडळकरांना हात जोडून आपला सल्ला आहे. त्यांनी असेच बोलत राहावं, आपल्या ओरिजनल संस्कृतीची महाराष्ट्राला ओळख करून देत राहावं. आपण कसे आहोत हे महाराष्ट्राला कळलं पाहिजे. आपण ओरिजनल कसे आहोत हे देखील सर्वांना समजले पाहिजे, असा खोचक टोला देखील आमदार आव्हाड यांनी पडळकरांना लगावला आहे.

FAQs :

1. जितेंद्र आव्हाडांनी पडळकरांना "मंगळसूत्र चोर" का म्हटलं?
सांगलीतील पत्रकार परिषदेत त्यांनी यामागचं कारण स्पष्ट केलं.

2. हे वक्तव्य कुठे झालं होतं?
महाराष्ट्र विधानसभेत पडळकरांना पाहताच आव्हाडांनी हे वक्तव्य केलं.

3. या वक्तव्यावर राजकीय प्रतिक्रिया काय आहेत?
भाजप आणि राष्ट्रवादी कार्यकर्त्यांमध्ये जोरदार चर्चा व टीका सुरू आहे.

4. आव्हाडांचा खुलासा कुठे झाला?
सांगलीत माध्यमांशी बोलताना त्यांनी स्पष्टीकरण दिलं.

5. या प्रकरणाचा राजकारणावर काय परिणाम झाला?
महाराष्ट्रातील राजकीय वातावरणात नव्या वादळाला सुरुवात झाली आहे.