Kolhapur News: विधानसभा निवडणुकीनंतर महायुतीकडून महाविकास आघाडीच्या पदाधिकाऱ्यांना प्रवेश देण्याचे काम सुरू आहे. कोणत्याही परिस्थितीत स्थानिक स्वराज्य संस्थेच्या निवडणुकीत जिल्हा परिषद महानगरपालिकांवर महायुतीचा झेंडा फडकण्यासाठी तिन्ही पक्ष कामाला लागले. त्यातच कोल्हापुरात शिंदेंच्या शिवसेनेला जास्त मागणी आहे.
विधानसभा निवडणुकीत काँग्रेसमध्ये झालेल्या घोळानंतर आणि उमेदवारी दावल्यानंतर काँग्रेसला फुटीचे ग्रहण लागले आहे. काँग्रेस आमदार सतीश पाटील यांचे प्रमुख शिलेदार महापालिकेच्या स्थायी समितीचे माजी अध्यक्ष शारंग देशमुख आता त्यांच्या शिवसेनेत प्रवेश करणार आहेत. त्याबाबत केवळ आता घोषणाच शिल्लक आहे.
मागील दोन दिवसांपासून याबाबत मुंबईत मोठ्या घडामोडी झाल्या. पालकमंत्री प्रकाश आबिटकर, राज्य नियोजन मंडळाचे अध्यक्ष राजेश क्षीरसागर, माजी खासदार संजय मंडलिक आणि शिवसेनेचे नेते माजी नगरसेवक सत्यजित उर्फ नाना कदम त्यांच्यासह शारंग देशमुख यांनी मुंबईत उपमुख्यमंत्री एकनाथ शिंदे यांची सदिच्छा भेट घेतली.
या भेटीदरम्यान मुख्यमंत्री शिंदे यांनी वेळ तारीख आणि कार्यक्रम करण्याची नियोजन जबाबदारी देशमुख यांच्याकडे दिली आहे. एका महिनाभरात शारंगधर देशमुख यांचा शिंदे यांच्या शिवसेनेत पक्षप्रवेश होण्याची शक्यता आहे.
सध्या कोल्हापुरात शारंग चषक फुटबॉल स्पर्धा सुरू आहे. याचा अंतिम सामना दरम्यान उपमुख्यमंत्री एकनाथ शिंदे यांना कोल्हापुरात आणण्याचे नियोजन करण्यात आले होते. मात्र शिंदे यांनी सूचना दिल्यानंतर देशमुख हे कोल्हापुरात आल्यानंतर बैठकीचे आणि मेळाव्याचे नियोजन होणार आहे. त्यानंतरच या कार्यक्रमाची तारीख निश्चित केली जाणार आहे.
गेल्या दीड महिनाभरापासून शारंग देशमुख हे शिंदेंच्या शिवसेनेच्या वाटेवर जाणार असल्याची चर्चा होती. मागील दोन महिन्यात काँग्रेसचे नेते आमदार सतेज पाटील यांनी ज्या कार्यक्रमाचा आयोजन केले त्या कार्यक्रमात शारंग देशमुख यांच्या अनुपस्थितीची चर्चा रंगली होती. शिवाय देशमुख यांनी फुटबॉल स्पर्धेचे जे फलक लावले त्या फलकावरून आमदार सतेज पाटील आणि माजी आमदार ऋतुराज पाटील यांचे देखील फोटो गायब होते. त्यामुळे ही चर्चा जोरात सुरू होती.
विशेष काँग्रेस आमदार सतेज पाटील आणि मंत्री हसन मुश्रीफ यांच्या महापालिकेतील सत्तेच्या काळात त्यांना महापौर पदावर बसवण्यात आले होते, निलोफर आजगेकर यांचे दीर अशपाक आजगेकर हे देखील आज उपस्थित होते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.