Phaltan Political News : भाजप आमदाराकडून माजी जलसंपदामंत्र्यांची पोलखोल; म्हणाले...

Phaltan BJP News : भाजपच्या वतीने सध्या लोकसभा निवडणुकीसाठी महाविजय २०२४ अंतर्गत प्रदेशाध्यक्ष चंद्रशेखर बावनकुळे हे माढा लोकसभा मतदारसंघाच्या दौऱ्यावर आहेत. फलटण येथे त्यांच्या उपस्थितीत मेळावा झाला. या मेळाव्यात माण, खटावचे आमदार जयकुमार गोरे यांनी माजी जलसंपदा मंत्र्यांवर निशाणा साधला.

फलटण येथे "महाविजय २०२४; संपर्क से समर्थन" या अभियानाअंतर्गत भारतीय जनता पक्षाचे प्रदेशाध्यक्ष चंद्रशेखर बावनकुळे Chandrashekhar Bawankule यांच्या अध्यक्षतेखाली सभा झाली. यावेळी माण, खटावचे आमदार जयकुमार गोरे Jaykumar Gore यांनी माजी जलसंपदामंत्र्यांवर टीका केली.

आमदार गोरे म्हणाले, फलटणचे माजी मंत्री जलसंपदा विभागातील अधिकाऱ्यांना सांगतात; जलसंपदा विभागामध्ये असणारी जी माहिती आहे ती सांगून खासदाराला कशाला शहाणे करता ? त्यामुळे आम्ही काय केलं असे आता सर्वसामान्य नागरिक विचारात आहे; असे प्रश्न फलटणचे माजी मंत्री जलसंपदा विभागातील अधिकाऱ्यांना करत आहेत; असा आरोप त्यांनी केला.

आमदार गोरे म्हणाले, देशाचे पंतप्रधान नरेंद्र मोदी यांचे हात बळकट करण्यासाठी "मिशन 45" भारतीय जनता पक्षाच्या वतीने आयोजित करण्यात आले आहे. श्री संत ज्ञानेश्वर महाराज पालखी ही फलटणमधून जाते; लाखो वारकरी ह्या मार्गावरून हजारो वर्षे जात आहे. यापूर्वी स्वतःला जाणते राजे म्हणवून घेणारे बारामतीकर कधीही वारकरी बांधवांचे दुःख समजू शकले नाही.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!

ते दुःख नरेंद्र मोदी व नितीन गडकरी यांना कळले. निरा - देवधर धरण बांधून झालं परंतु काही भागाला पाणी वळवण्यासाठी निरा - देवधरचे पुढील कालव्याचे कामकाज प्रलंबित ठेवले. फलटणसह माढा मतदारसंघातील विविध प्रश्न सोडवण्याचे काम खासदार रणजितसिंह निंबाळकर यांनी केले आहे, असे मत व्यक्त करत केंद्र व राज्य सरकारच्या विविध योजनांची माहिती यावेळी आमदार जयकुमार गोरे यांनी दिली.

Edited By : Umesh Bambare