Solapur, 19 August : सांगोल्याचे आमदार डॉ बाबासाहेब देशमुख यांनी पावसाळी अधिवेशनात आमदारांच्या निवासस्थानाचा प्रश्न उपस्थित केला होता. मला आमदार निवासस्थानमध्ये अजून खोली मिळालेली नाही. कारण, सांगोल्याचे माजी आमदार शहाजीबापू पाटील यांनी आरोग्याच्या कारणांमुळे आमदार निवासातील खोली सोडलेली नव्हती, असे त्यांनी म्हटले होते. त्याला माजी आमदार शहाजीबापू पाटील यांनी उत्तर दिले आहे. ‘माझे वैद्यकीय उपचार पूर्ण होईपर्यंत ती खोली माझ्याकडे ठेवायची, असं आमच्यात ठरलं होतं.’ पण, बाबासाहेब तरुण आणि चलाख आहेत, टीव्हीपुढं ते माझी गंमत करतात, असेही शहाजीबापूंनी नमूद केलं.
माजी आमदार शहाजीबापू पाटील (Shahajibapu Patil) म्हणाले, आमदार निवासातील खोलीचा काय प्रश्न नाही, मी सोडून देईन. पण, मला अजून एक-दोन महिने वैद्यकीय उपचाराची (ट्रीटमेंट) गरज आहे. पण, आमदार डॉ. बाबासाहेब देशमुख यांचा लयंच आग्रह असेल, तर मी त्यांना त्यांची खोली देऊन टाकेन.
आमदार डॉ. बाबासाहेब देशमुख (Dr. Babasaheb Deshmukh) हे तरुण आहेत, चलाख आहेत. डॉ. बाबासाहेब आणि माझं ठरलं होतं की, माझी मेडिकल ट्रीटमेंट होईपर्यंत आमदार निवासातील खोली माझ्याकडे ठेवायची आणि माझी ट्रीटमेंट संपल्यानंतर त्यांनी ती खोली ताब्यात घ्यायची. आमदारांना भाडं मिळतं. आम्हाला म्हणजे माजी आमदारांना काय भाडं मिळत नाही. सुदैवाने तुम्हाला भाडं मिळतंय, तुम्ही घ्या. मला मुदतवाढ दिलेली आहे, असेही शहाजीबापू पाटील यांनी सांगितले.
ते म्हणाले, मुंबईतील ब्रीच कॅंडी हॉस्पिटलमधील ट्रीटमेंटसाठी मला अधूनमधून जावं लागतं. राहू दे मला. कुठं हॉटेलला मी पैसे खर्च करत बसू. माझ्याकडं तर आता पैसा कोठे आहेत. त्यामुळे आमदार बाबासाहेब देशमुख आणि माझ्यात तसं ठरलं होतं. पण, आता बाबासाहेब यांचा फारच आग्रह असेल तर त्यांना खोली देऊन टाकतो.
डॉ. बाबासाहेब देशमुखांचा लाड मी पुरवायचा नाही तर मग कोणी. त्यांचा लाड मलाच करावा लागेल, कारण मी त्यांच्या वडिलांसारखा आहे. बाबासाहेब यांचे वडिल आणि मी एकाच वयाचे आहोत, त्यामुळे त्यांचा हट्ट मला पुरवावाच लागेल, अशी पुस्तीही शहाजीबापूंनी जोडली.
ते म्हणाले, डॉ. बाबासाहेब देशमुख यांनी अजून मला आमदार निवासातील खोली मागितली नाही. त्यांनी सांगावं की शहाजीबापूंना मी रुम मागितली आहे. उगीच टीव्हीपुढं माझी गंमत करतात, ते. हे त्यांचं चुकीचं आहे. त्यांनी मला एक फोन करावा, बापू खोली द्यावी लागते. मी उद्या माझं सामान काढून घेतो. पण बाबासाहेबच मला म्हणतात, तुम्हीच राहा, तुमच्याकडेच खोली राहूद्या आणि तेच म्हणतात की मला खोली देईनात. असूद्या तरुण नेतृत्व आहे, तरुण नेतृत्वाला आपण समजून घेऊन पुढे चालायचं असतं.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.