Shaktipeeth Highway : शक्तिपीठ महामार्ग थेट भूसंपादनाच्या टप्प्यावर; सांगलीसह 10 जिल्ह्यात संघर्ष उफाळणार! कोल्हापूरला मात्र दिलासा

Summary :

1. कोल्हापुरकरांच्या तीव्र आंदोलनानंतर शक्तिपीठ महामार्ग कोल्हापूरमधून वगळण्यात आला आहे.

2. मात्र सांगलीसह 11 जिल्ह्यांमध्ये भूसंपादनाचा आदेश पारीत झाला आहे.

3. त्यामुळे पुन्हा एकदा शक्तिपीठ महामार्गाचा वाद तापण्याची शक्यता आहे.

Kolhapur News : मुख्यमंत्री देवेंद्र फडणवीस यांचा ड्रीम प्रोजेक्ट असलेल्या शक्तीपीठ महामार्गाला आणखी वेग आला आहे. कोल्हापूर जिल्हा वगळून सांगलीसह 11 जिल्ह्यांमध्ये भूसंपादनाचे आदेश देण्यात आले आहेत. पण शेतकऱ्यांचा विरोध बघता थेट भूसंपादनाचा आदेश पारीत केल्याने राज्यात पुन्हा एकदा वाद पेटण्याची शक्यता आहे.

प्रस्तावित महामार्गद्वारे राज्यातील 12 जिल्ह्यातील 19 देवस्थान जोडली जाणार असून वर्धा जिल्ह्यातून पवनार येथून सुरुवात होणार आहे. तर सिंधुदुर्ग जिल्ह्यातील पत्रादेवी येथे या महामार्गाचा शेवट होणार आहे. या महामार्गासाठी एकूण शेतकऱ्यांची 9385 तर वन विभागाची 265 हेक्टर जमीन भूसंपादन केली जाणार आहे. तर एकूण 86 हजार 300 कोटी इतका निधी खर्च होणार आहे.

दरम्यान भूसंपादनासाठी राज्य सरकारने 20 हजार 787 कोटी मंजूर करण्यात केले आहेत. सरकारनं विरोध डालवत शक्तिपीठ महामार्गाच्या दिशेने पहिले पाऊल टाकले आहे. पण राज्य सरकारने कोल्हापुरातील शेतकऱ्यांच्या विरोध पाहता भूसंपादनाच्या आदेशातून कोल्हापूरला वगळलंय.

दरम्यान विधानसभा निवडणुकीच्या तोंडावर कोल्हापूर सोलापूर आणि सांगली जिल्ह्यातील शेतकऱ्यांनी या महामार्गाला विरोध दर्शवला होता. त्यावेळी महायुती सरकारने शक्तिपीठ महामार्गातून कोल्हापूर जिल्ह्याला वगळले होते. त्याबाबत मंत्री हसन मुश्रीफ यांनी विधानसभा निवडणुकीच्या प्रचारादरम्यान जाहीर माहिती दिली होती. पण आता नव्याने शक्तिपीठ महामार्गाच्या भूसंपादन सुरू झाले होते. त्यामुळे पुन्हा एकदा कोल्हापूर जिल्ह्यातील नेत्यांची आंदोलन, निदर्शने केली होती. त्यामुळे आता भूसंपादनाच्या आदेशातून कोल्हापूर जिल्ह्याला वगळण्यात आले आहे.

FAQs :

प्र.१. कोल्हापूरमधून शक्तिपीठ महामार्ग का वगळला?
उ. स्थानिकांचा तीव्र विरोध आणि आंदोलनामुळे कोल्हापूर शहरातून हा महामार्ग वगळण्यात आला.

प्र.२. आता कोणत्या जिल्ह्यांमध्ये भूसंपादन होणार आहे?
उ. सांगलीसह इतर 11 जिल्ह्यांमध्ये भूसंपादन आदेश पारीत झाला आहे.

प्र.३. वाद पुन्हा का पेटू शकतो?
उ. भूसंपादनामुळे शेतकरी व स्थानिकांच्या जमिनींवर परिणाम होणार असल्याने असंतोष वाढण्याची शक्यता आहे.