पदवीधर आमदार अरुण लाड यांचे सुपुत्र शरद लाड यांनी भाजपात प्रवेश करून महाविकास आघाडीस मोठा धक्का दिला आहे.
हा प्रवेश जयंत पाटील यांच्या उपस्थितीत झाल्याने राष्ट्रवादी काँग्रेसमध्ये अंतर्गत चर्चेला उधाण आलं आहे.
भाजपाने हा प्रवेश राजकीय चेकमेट म्हणून मांडला असून राज्यातील समीकरणे बदलण्याची शक्यता व्यक्त होते.
Sangli News : सांगलीत महाविकास आघाडीतील राष्ट्रवादीला मोठा धक्का लागला आहे. पदवीधरसाठी दावेदार असलेला महाविकास आघाडीतील मुख्य चेहराच भाजपने फोडला आहे. यामुळे आगामी पदवीधरच्या आधीच भाजने महाविकास आघाडीसह शरद पवार यांच्या राष्ट्रवादीला चेकमेट दिल्याची चर्चा राजकीय वर्तुळात सध्या सुरू झाली आहे.
पदवीधरचे विद्यमान आमदार अरुण लाड यांचे चिरंजीव शरद लाड यांनी आज भाजपात पक्षप्रवेश करत राष्ट्रवादीचे नेते जयंत पाटील यांच्यासह महाविकास आघाडीला धक्का दिला आहे. आज मुंबईत प्रदेशाध्यक्ष रवींद्र चव्हाण, उच्च शिक्षणमंत्री चंद्रकांत पाटील यांच्या उपस्थित पक्षप्रवेश झाला. पुणे पदवीधरसाठी शरद लाड भाजपकडून इच्छुक आहेत. त्या संदर्भात त्यांनी भाजपकडे उमेदवारीची मागणी केली आहे.
या पक्ष सोहळ्याप्रसंगी बोलताना लाड यांनी, यापूर्वी भाजप आणि आमच्यात अंतर होते. पण लोकसभा निवडणुकीनंतर त्याला सुरुवात झाली. आणि हे अंतर कमी झाल्याचे म्हटलं आहे. तसेच महाराष्ट्राला मुख्यमंत्री देवेंद्र फडणवीस यांच्यासारखे नेतृत्व लाभलं आहे. या नेतृत्वांच्या मागे युवा पिढीने उभे राहावं, असेही आवाहन लाड यांनी केलं आहे.
तर पलूस कडेगाव खानापूर तालुक्यातील अनेक युवकांनी आज भाजपात पक्षप्रवेश केला. भविष्यात सम्राट महाडिक यांच्यासह सर्व भाजपचे नेते आम्ही खांद्याला खांदा लावून काम करू, असे लाड म्हणाले.
जेडी बापू लाड यांचं घराणं हे क्रांतीचं आहे. या घराण्याचा वारसा चालवण्याचा प्रयत्न आम्ही करतोय. उद्याच्या सर्व निवडणुका आम्ही भाजपच्या झेंड्याखाली एक दिलाने लढवणार आहोत. आगामी स्थानिक स्वराज्य संस्थेच्या निवडणुकीत दोन्ही तालुक्यांमध्ये भाजपचा झेंडा फडकवणार. यापूर्वी दोन वेळा आम्ही पुणे पदवीधर साठी काम केले आहे. आमची टीम आणि भाजपचे संघटन एकत्र आले तर निश्चितपणे चांगले कार्य होईल, असेही लाड म्हणाले.
विद्यमान आमदारांची अनुपस्थित
दरम्यान विद्यमान आमदार अरुण लाड यांचे चिरंजीव शरद लाड यांनी भाजपात पक्षप्रवेश केल्यानंतर सांगलीतून अनेक पदाधिकारी मुंबईत दाखल झाले होते. सम्राट महाडिक यांच्यासह महत्वाचे नेते या पक्षप्रवेशाच्या सोहळ्याला उपस्थित होते. मात्र विद्यमान आमदार अरुण लाड या ठिकाणी अनुपस्थित होते. रविवारी झालेल्या मेळाव्यात त्यांची उपस्थित होतो. मात्र आज पक्ष प्रवेश सोहळ्याला उपस्थिती नसल्याने कार्यकर्त्यांमध्ये चांगलीच चर्चा रंगली होती.
प्रश्न 1: शरद लाड कोण आहेत?
👉 ते पदवीधर आमदार अरुण लाड यांचे सुपुत्र असून स्थानिक स्तरावर सक्रिय राजकारणी आहेत.
प्रश्न 2: शरद लाड कोणत्या पक्षात दाखल झाले आहेत?
👉 त्यांनी भारतीय जनता पक्षात (भाजप) प्रवेश केला आहे.
प्रश्न 3: त्यांच्या प्रवेशाचा कोणत्या पक्षाला सर्वाधिक फटका बसला?
👉 राष्ट्रवादी काँग्रेस आणि महाविकास आघाडीला या प्रवेशामुळे मोठा धक्का बसला आहे.
प्रश्न 4: जयंत पाटील यांचा या घटनाक्रमाशी काय संबंध आहे?
👉 जयंत पाटील हे राष्ट्रवादी काँग्रेसचे प्रदेशाध्यक्ष असून, त्यांच्या गटात लाड कुटुंबाचा प्रभाव होता.
प्रश्न 5: या प्रवेशाचा राजकीय परिणाम काय होऊ शकतो?
👉 भाजपाचे पश्चिम महाराष्ट्रात बळ वाढण्याची आणि राष्ट्रवादीत अंतर्गत अस्वस्थता निर्माण होण्याची शक्यता आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.