Satara Loksabha Election Update : राष्ट्रवादी काँग्रेस शरदचंद्र पवार पक्षाकडून सातारा लोकसभेसाठी (Satara Lok Sabha) आमदार शशिकांत शिंदे (Shashikant Shinde) हे आज उमेदवारी अर्ज दाखल करणार आहेत. त्यासाठी खासदार शरद पवार, खासदार श्रीनिवास पाटील, आमदार बाळासाहेब पाटील, विक्रमसिंह पाटणकर यांची प्रमुख उपस्थिती राहणार आहे.
साताऱ्यातील गांधी मैदानापासून ते जिल्हाधिकारी कार्यालय असे शक्तिप्रदर्शन होणार असून, यामध्ये महाविकास तसेच इंडिया आघाडीतील घटक पक्ष व संघटनांचे पदाधिकारी मोठ्या संख्येने उपस्थित राहणार आहेत. दरम्यान, आज सकाळी उमेदवारी अर्ज दाखल करण्यापूर्वी आमदार शशिकांत शिंदे यांनी हुमगांव (ता. जावळी) येथील हुमजाई देवीचे सपत्नीक दर्शन घेतले. (Latest Update on Satara Lok Sabha Election 2024)
या शक्तिप्रदर्शन व अर्ज दाखल करण्याच्या कार्यक्रमासाठी शरद पवार यांचे हेलिकॉप्टरने सैनिक स्कूलच्या मैदानावरील हेलिपॅडवर त्यांचे साडेदहा वाजता आगमन झाले. त्यानंतर हॉटेल प्रीती एक्झिकेटिव्हकडे पवार रवाना झाले आहेत. अल्पवेळ थांबून ते गांधी मैदानावरील रॅलीत सहभागी होतील.
या वेळी राष्ट्रवादीकडून (NCP) जोरदार शक्तिप्रदर्शन होणार असून, रॅली पोवई नाक्यावर येत असताना वाटेत असलेल्या सर्व थोर नेत्यांच्या पुतळ्यांना पुष्पहार अर्पण केला जाणार आहे. त्यानंतर रॅली जिल्हाधिकारी कार्यालयावर जाईल.
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
तेथे आमदार शशिकांत शिंदे (Shashikant Shinde) हे उमेदवारी अर्ज दाखल करतील. त्यानंतर शरद पवार प्रीती हॉटेल येथे नेते व पदाधिकाऱ्यांशी चर्चा करणार आहेत. तसेच सातारा लोकसभा मतदारसंघातील Satara Lok Sabha Constituency विविध नेत्यांशी संवाद साधतील.
दुपारी साडेतीन वाजता ते पत्रकारांशी संवाद साधणार आहेत. त्यानंतर तेथून ते बारामतीकडे (Baramati) रवाना होतील. शरद पवारांच्या स्वागताची व आमदार शशिकांत शिंदे यांचा उमेदवारी अर्ज भरण्याच्या रॅलीचे जंगी नियोजन करण्यात आले आहे.
दरम्यान, उमेदवारी अर्ज दाखल करण्यापूर्वी आमदार शशिकांत शिंदे यांनी हुमगांव (ता. जावळी) येथील हुमजाई देवीचे सपत्नीक दर्शन घेतले. या वेळी लोकसभा निवडणुकीत विजयासाठी हुमजाई देवीकडे प्रार्थना करत महाराष्ट्रासह माझ्या सातारा जिल्ह्यातील सर्वांच्या सुख, समृद्धीसाठी प्रार्थना व्यक्त केली. समस्त सातारकर जनतेची सेवा करण्याची संधी मिळो, अशी प्रार्थना देवीच्या चरणी केली. भाजपचे खासदार उदयनराजे भोसले Udayanraje Bhosale यांनी केलेल्या शक्तिप्रदर्शनापेक्षा मोठे शक्तिप्रदर्शन राष्ट्रवादीकडून होणार आहे.
R
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.