Solapur, 21 July : स्थानिक स्वराज्य संस्थांच्या आगामी निवडणुकीच्या पार्श्वभूमीवर राष्ट्रवादी काँग्रेसचे प्रदेशाध्यक्ष सुनील तटकरे हे आज सोलापूरच्या दौऱ्यावर आले होते. या दौऱ्यात सोलापूर शहर आणि जिल्हा (ग्रामीण) असे वेगवेगळे दोन मेळावे ठेवण्यात आले होते, त्यातूनही राष्ट्रवादीतील गटबाजीचे उघडपणे दर्शन झाले. पण राष्ट्रवादीच्या ग्रामीणच्या मेळाव्यात खुर्ची नाट्य रंगले, तटकरेंनी उमेश पाटलांचे जाहीररित्या कान टोचले. मेळाव्यात त्याचीच चर्चा रंगली होती.
सोलापूर जिल्ह्यातील संघटनेच्या रचनेसंदर्भात तुम्ही सांगितलं. फोटो टाकला आणि नाही टाकला तरी चालेल... (तुम्ही म्हणाल तसं असं खाली बसून उमेश पाटील (Umesh Patil) बोलले) असं मी जनरल बोलतोय, तुम्ही अंगावर कशाला घेताय, म्हणत जिल्हाध्यक्ष उमेश पाटील यांचे प्रदेशाध्यक्ष सुनील तटकरे यांनी कान टोचले.
याच्या मेळाव्यात खुर्ची नाट्य रंगले. पुढे बोलताना सुनील तटकरे (Sunil Tatkare) म्हणाले, माझ्या जाग्यावर बसलात, हे विसरू नका. मान रखो कभी कभी.. तेवढ्यात उमेश पाटील त्या खुर्चीवरून उठून दुसरीकडे जाऊन बसू लागले. पण तटकरेंनी बसा, बसा. मी देतो ना परवानगी, मी दिली ना परवानगी म्हणत तटकरेंनी उमेश पाटील यांना त्यांच्या खुर्चीत बसण्याचे सूचित केले.
मागच्या 41 वर्षांपासून हे सगळं पाहत मी मोठा झालो आहे, असं म्हणत उमेश पाटील यांना कानपिचक्या दिल्या. राष्ट्रवादी पक्षाच्या ग्रामीण मेळाव्यात तटकरे हे भाषणासाठी उभे राहिल्यानंतर त्यांच्या रिकाम्या खुर्चीवर जिल्हाध्यक्ष उमेश पाटील हे जाऊन बसले होते, त्यामुळे प्रांताध्यक्ष तटकरे यांनी उमेश पाटील यांना सुनावले. एकंदरीतच राष्ट्रवादी अजित पवार पक्षाच्या मेळाव्यात रंगलेल्या खुर्चीनाट्याची चर्चा होत आहे.
शहराच्या मेळाव्यात उमेश पाटलांवर टीकास्त्र
दरम्यान, सोलापूर शहराच्या मेळाव्यात बोलताना अध्यक्ष संतोष पवार यांनी जिल्हाध्यक्ष (उमेश पाटील यांचे नाव न घेता) सोलापूर शहरात येऊन कार्यकर्त्यांना डिस्टर्ब करत आहेत. मुंबईला घेऊन जात आहेत, तुम्हाला पद द्यायला लावतो, असे सांगून शहराच्या कामकाजात हस्तक्षेप करत आहेत. सोलापूर शहर राष्ट्रवादीच्या कामात विस्कळितपणा आणला जात आहे, असा आरोप केला होता.
Edited By : Vijay Dudhale
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.