कऱ्हाड–मलकापूर नगरपालिका निवडणुकीत महायुतीतीलच मंत्री, माजी मंत्री आणि माजी मुख्यमंत्री एकत्र येऊन स्वतःला घेरण्याचा प्रयत्न होत असल्याचा आरोप आमदार डॉ. अतुल भोसले यांनी केला.
भोसले यांच्या समर्थनार्थ मुख्यमंत्री देवेंद्र फडणवीस यांनी ‘अभिमन्यूच्या चक्रव्यूहा’ची उपमा देत, विरोधक कितीही एकत्र आले तरी भोसले यांना आम्ही सुरक्षित बाहेर काढू असा विश्वास व्यक्त केला.
प्रचार सभेत भोसले यांनी ‘तिजोरीच्या चाव्या कोणाकडे असल्या तरी मालक आमच्याकडे आहे’ असा टोला मारत स्वतःचे वर्चस्व दाखवले.
Karad, 30 November : कऱ्हाड आणि मलकापूर नगरपालिकांच्या निवडणुकीत आपल्याच महायुतीतील दोन मंत्री, माजी मंत्री, माजी मुख्यमंत्री या सर्वांनी एकत्र येऊन मला घेरण्याचा प्रयत्न सुरु केला आहे. कोण म्हणतंय आमच्याकडे तिजोरीच्या चाव्या आहेत, पण त्या तिजोरीचा मालक आमच्याकडे आहे. मात्र मी त्याला न घाबरता देवाभाऊ तुमच्या जोरावर या सर्वांना तोंड देत आहे, असे भाजपचे कऱ्हाड दक्षिणचे आमदार डॉ. अतुल भोसले यांनी सांगितले.
दरम्यान, आमदार अतुल भोसले (Atul Bhosale) यांच्या विधानाचा धागा पकडून मुख्यमंत्री देवेंद्र फडणवीस यांनी कऱ्हाडमध्ये आपलेही आणि विरोधकही सगळे एक होऊन अतुलबाबांभोवती चक्रव्यूह तयार करण्याचा प्रयत्न करत आहेत. मात्र, अतुलबाबांसारखे नेतृत्व लाभण्यासाठी अनेक वर्षे लागतात. कोणीही चक्रव्यूह तयार केला, तरी अभिमन्यूप्रमाणे त्यांना आम्ही त्यातून बाहेर काढू, असा टोला त्यांनी महायुतीमधील शिवसेना आणि राष्ट्रवादी कॉंग्रेसच्या मंत्र्यांना लगावून आमदार भोसलेंची पाठराखण केली.
कऱ्हाड आणि मलकापूर नगरपालिका निवडणुकांच्या पार्श्वभूमीवर मुख्यमंत्री देवेंद्र फडणवीस (Devendra Fadnavis) यांच्या प्रचाराची सभा रविवारी (ता. ३० नोव्हेंबर) कऱ्हाड (जि. सातारा) येथे आयोजन केले होते. त्यादरम्यान फडणवीस यांनी हा टोला लागावला.
या वेळी मंत्री चंद्रकांत पाटील, आमदार मनोज घोरपडे, डॉ. सुरेश भोसले, मकरंद देशपांडे, विक्रम पावसकर, भाजपचे कऱ्हाडचे नगराध्यक्ष पदाचे उमेदवार विनायक पावसकर, मलकापूरचे नगराध्यक्षपदाचे उमेदवार तेजस सोनवले, भरत पाटील, रामकृष्ण वेताळ, विनायक भोसले आदी उपस्थित होते.
प्रचार सभेत आमदार डॉ. भोसले यांनी कऱ्हाड आणि मलकापूरला मुख्यमंत्री देवेंद्र फडणवीस यांनी मोठ्या प्रमाणात निधी दिल्याचे सांगून या निवडणुकीत महायुतीतीलच दोन मंत्री, माजी मंत्री, माजी मुख्यमंत्री या सर्वांनी एकत्र येऊन मला घेरण्याचा प्रयत्न करत आहेत. कोण म्हणतंय आमच्याकडे तिजोरीच्या चाव्या आहेत. पण त्या तिजोरीचा मालक आमच्याकडे आहे, असे नमूद केले.
मुख्यमंत्री फडणवीस यांनी आमदार अतुल भोसलेंचे नेतृत्व मोठं झालं तर आपल्याला अडचण होईल, असे अनेकांना वाटत आहे. त्यामुळेच अभिमन्यूप्रमाणे त्यांना घेण्याचे काम सुरू आहे. महाभारतातील अभिमन्यूला चक्रव्यूहात जाणे माहीत होते; पण बाहेर पडणे माहीत नव्हते. पण, अतुलबाबांच्या बाजूला जो चक्रव्यूह तयार केला गेला आहे, त्यातून अतुल भोसले यांना आम्ही बाहेर काढू आणि तो चक्रव्यूह भेदल्याशिवाय अतुल बाबा राहणार नाहीत, असेही मुख्यमंत्र्यांनी स्पष्ट केले.
1) आमदार अतुल भोसले यांचा मुख्य आरोप काय आहे?
→ महायुतीतीलच काही मंत्री आणि माजी नेते एकत्र येऊन त्यांना राजकीयरीत्या घेरण्याचा प्रयत्न करत आहेत.
2) मुख्यमंत्री फडणवीसांनी कोणती उपमा दिली?
→ ‘अभिमन्यूच्या चक्रव्यूह’ची उपमा देत भोसल्यांना आम्ही बाहेर काढू असे म्हटले.
3) ‘तिजोरीच्या चाव्या’ वक्तव्याचा अर्थ काय?
→ सत्ता किंवा अधिकार इतरांकडे असले तरी अंतिम निर्णयक्षमता आमच्याकडे आहे, असा संकेत.
4) प्रचार सभेला कोणते प्रमुख नेते उपस्थित होते?
→ मंत्री चंद्रकांत पाटील, आमदार मनोज घोरपडे, डॉ. सुरेश भोसले आणि अन्य भाजप नेते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
