Kolhapur News : कोल्हापूर जिल्हा दूध उत्पादक गोकुळ दूध संघांतील कथित घोटाळ्यावरून ठाकरेंच्या शिवसेनेने आता पुण्यात धडक मारली आहे. जिल्ह्यातील प्रशासन अधिकारी या घोटाळ्यासंदर्भात कारवाईसाठी टाळाटाळ करत असताना आता पुणे दुग्ध विभागीय उपनिबंधक यांच्याकडे दाद मागितली आहे. गोकुळ दूध संघामधील (Gokul Dudh Sangh) जाजम व घड्याळ खरेदी संदर्भातील घोटाळ्याची चौकशी करावी, अशी मागणी ठाकरेंच्या शिवसेनेचे उपनेते संजय पवार यांनी केली आहे.
शिवसेना -उद्धव बाळासाहेब ठाकरे पक्षाच्यावतीने गेल्या अनेक महिन्यांपासून गोकुळ दूध संघामध्ये जाजम व घड्याळाची खरेदी झाली आहे. ती बेकायदेशीरित्या झाली असल्यानं त्याची चौकशी समिती नेमून आपल्या स्तरावर कारवाई करण्यासंदर्भात अनेकवेळा निवेदन दिले आहेत.
आपल्याशी संपर्क केल्याचा प्रयत्न केल्यास आपण कधीही फोन उचलत नसल्याचे निदर्शनास आले आहे. आपण सुरुवातीला चौकशी करण्यासाठी अधिकारी नेमला, परंतु अनेक कारणाने चौकशी काही झाली नाही.
कदाचित आपल्यावर राजकीय दबाव असू शकतो किंवा आपण सुद्धा दूध उत्पादक शेतकऱ्यांच्या विरोधात काम करत असल्याची शंका येत आहे. आपल्याला शासनाने ज्या पदावर बसवले आहे. ते निव्वळ दूध उत्पादक कष्टकरी शेतकरी (Farmers) यांना न्याय देण्यासाठी हे आपण विसरू नये. आपणास विनंती आहे की, तातडीने या बेकायदेशीरित्या झालेल्या खरेदीची चौकशी करून आरोपींना शिक्षा व्हावी, अशी मागणी संजय पवार यांनी केली.
शेतकऱ्यांना न्याय मिळावा, अन्यथा भविष्यामध्ये आपल्या विरोधात लोकशाही किंवा कायदेशीर मार्गाने लढा उभा करावा लागेल. कष्टकरी शेतकऱ्यांच्या हिताचे काम करत असताना या महाराष्ट्रामध्ये राजकारण्यांचे हाताखालचे बाहुले किंवा ताटाखालचे मांजर कोणीही बनवू नये अशी आमची अपेक्षा आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.