Prakash Abitkar : राज्यात HMPVचा धोका, प्रशासन अलर्ट; आरोग्यमंत्री आबिटकर काय म्हणतात..!

Mumbai News: कोरोना महामारीनंतर HMPV या नव्या व्हायरसचा धुमाकूळ चीनमध्ये सध्या सुरू आहे. भारतातही या व्हायरसची एन्ट्री झाली असून बेंगलूरू येथील आठ महिन्याच्या बालिकेला या व्हायरसची लागण झाल्याचे समोर आले आहे. कर्नाटकमध्ये एक महिन्याच्या बाळाला हा लागण झाली आहे.

महाराष्ट्राच्या सीमेवर नवा व्हायरस आढळल्यानंतर राज्याचे आरोग्य यंत्रणा सतर्क झाली आहे. कोणत्याही परिस्थितीत महाराष्ट्रात येण्यापासून रोखण्यासाठी आरोग्य विभागाची बैठक येत्या दोन दिवसात होणार असल्याचं आरोग्य मंत्री प्रकाश आबिटकर यांनी माहिती दिली आहे. खबरदारी म्हणून राज्याच्या आरोग्य विभागाकडून गाईडलाईन्स जारी करण्यात येतील असेही सांगण्यात आले आहे. इचलकरंजी (Ichalkaranji) येथील आयोजन रुग्णालयाला भेट दिल्यानंतर ते पत्रकारांशी बोलत होते.

भारतात आलेल्या नवीन व्हायरस बद्दल सरकार गांभीर्याने दखल घेत आहे. राज्याची आरोग्य यंत्रणा सतर्क असल्याने नागरिकांनी घाबरून जाण्याचे कारण नाही. राज्य सरकार प्रत्येक नागरिकाची चांगली काळजी घेईल. येत्या दोन दिवसात आरोग्य विभागाची बैठक मुंबईत घेतली जाणार आहे. बैठकीनंतर या रोगाबद्दल घेण्यात येणाऱ्या काळजी बद्दलचे निर्देश जाहीर केले जातील. राज्यातील नागरिकांनी कोणत्याही अफवांवर विश्वास ठेवू नये. असे आवाहन आरोग्यमंत्री प्रकाश आबिटकर (Prakash Abitkar) यांनी केले आहे.

कोल्हापूर जिल्ह्याच्या दौऱ्यावर आज मुख्यमंत्री देवेंद्र फडणवीस आहेत. त्यामुळे त्यांच्याशी देखील याबाबत चर्चा करू. नागरिकांनी घाबरण्याची कोणतेही कारण नाही. राज्य सरकार जे सूचना करतो त्याचे पालन नागरिकांनी काटेकोरपणे करावं, असेही आरोग्यमंत्री प्रकाश आंबेडकर आरोग्यमंत्री प्रकाश आबिटकर म्हणाले.