Prasad Purohit Promoted : मालेगाव बाॅम्बस्फोट प्रकरणातून निर्दोष मुक्तता, दोन महिन्यांत प्रसाद पुरोहितांना लष्कराने दिलं मोठं गिफ्ट

Prasad Purohit News : बहुचर्चित मालेगाव बाॅम्बस्फोट प्रकरणानाच निकाल कोर्टाने 31 जुलैला दिला. निकालपत्रात सात आरोपींना दोषमुक्त करण्यात आले. ले.कर्नल प्रसाद पुरोहित हे देखील या खटल्यात आरोपी होते. त्यांची देखील निर्दोष मुक्तता झाली. या निकालाच्या दोन महिन्यानंतर लष्कराच्या वतीने ले.कर्नल पुरोहित यांना प्रमोशन देत त्यांची कर्नलपदी नियुक्ती केली.

सेवाज्येष्ठनेतेनुसार पुरोहित यांना ही बढती मिळाल्याचे लष्काराच्या दक्षिण विभागाच्या जनसंपर्क अधिकाऱ्यांच्या मार्फत सांगण्यात आले. मालेगाव बाॅम्बस्फोट खटल्याची तब्बल 17 वर्ष न्यायालयीन लढाई सुरू होती. पुरोहित यांनी निकलानंतर आपल्याला अखेर न्याय मिळाला, अशी भावना व्यक्त केली होती.

पुरोहित यांना मिळालेल्या प्रमोशनचा भाजपचे राष्ट्रीय प्रवक्ते माधव भंडारी यांनी आनंद व्यक्त केला आहे. ते म्हणाले, हुशार अधिकाऱ्याला मेजर जनरल या पदापासून काँग्रेसच्या हिंदूविरोधी भूमिकेमुळे मुकावे लागले.

मालेगावमध्ये 2008 मध्ये बाॅम्बस्फोट झाला होता. त्यात 100 हून अधिक लोक जखमी झाले होते तर सात जणांना आपला जीव गमवावा लागला होता.

या बाॅम्बस्फोट प्रकरणात प्रसाद पुरोहित यांनी आरडीएक्स पुरवाल्याचा आरोप त्यांच्यावर ठेवण्यात आला होता. तसेच बाॅम्ब देखील घरी केल्याचा आरोप होता. मात्र, या आरोपांना कोणताही ठोस पुरावा मिळाल नाही. पुरोहित यांच्यासोबत आरोपी असलेले साध्वी प्रज्ञासिंह, रमेश उपाध्याय, समीर कुलकर्णी अजय राहिकरकर, सुधाकर चतुर्वेदी यांची देखील निर्दोष मुक्तता करण्यात आली होती.