Pune News: पुणे जिल्हा परिषद आणि पंचायत समिती निवडणुकीसाठी राजकीय पक्षांनी आता कंबर कसली आहे. महापालिका निवडणुकीतील उशीरा झालेली युती आणि आघाड्यांच्या चर्चेने उमेदवार निवडीवर परिणाम झाला होता, त्यापासून धडा घेत काँग्रेस आणि शिवसेना (उद्धव बाळासाहेब ठाकरे) गटाने आता लवकरच निर्णय घेतला आहे.
शिवसेना ठाकरे गटाने पुणे जिल्ह्यातील निवडणुकीसाठी मोठा निर्णय जाहीर केला असून, जुन्नर तालुक्याव्यतिरिक्त कोणत्याही तालुक्यात जिल्हा परिषद किंवा पंचायत समितीसाठी युती न करता स्वबळावर लढण्याचा निर्धार केला आहे.
ठाकरेंची सेना "जुन्नर तालुक्यात शरद पवारांच्या राष्ट्रवादी काँग्रेस सोबत युती करणार आहोत. बाकी सर्व ठिकाणी स्वबळावर लढण्याचे आदेश पक्षकार्यकर्त्यांना दिले असल्याचा सांगण्यात येत आहे. त्यानुसार ठाकरे सेनेने निवडणुकीची तयारी जोरदार सुरू केली असून उद्यापर्यंत जिल्हाभरात 'एबी फॉर्म'चे वाटप करण्यात येणार आहे.
या निर्णयामुळे ठाकरे गटाने पुणे जिल्ह्यात स्वतंत्रपणे जोरदार लढा देण्याचा संकेत दिला आहे. तसेच, पक्षाचे नेते आदित्य ठाकरे पुणे जिल्ह्यात प्रचार सभांचे आयोजन करणार असून इतर दिग्गज नेते देखील प्रचारांमध्ये उतरणार असल्याचे सांगितले जात आहे.
दुसरीकडे, काँग्रेसनेही निवडणुकीची तयारी वेगाने सुरू केली आहे. जिल्हाध्यक्ष श्रीरंग चव्हाण यांनी दिलेल्या माहितीनुसार, पुणे जिल्ह्यात जिल्हा परिषदेसाठी ५० 'एबी फॉर्म' वाटप केले आहेत, तर पंचायत समितीसाठी १०० फॉर्म दिले आहेत.
"शिवसेना (ठाकरे गट) आणि रासप (राष्ट्रवादी समाज पक्ष) सोबत युती करण्याची तयारी सुरू आहे. जर युती झाली नाही, तर काँग्रेस स्वबळावर लढेल. राष्ट्रवादी (शरद पवार गट) सोबत कोणतीही चर्चा झालेली नाही किंवा प्रदेश स्तरावरून अशा सूचना मिळालेल्या नाहीत," असे चव्हाण म्हणाले.
महाविकास आघाडीतील या पक्षांच्या निर्णयामुळे पुणे जिल्ह्यातील निवडणुकीचा चुरशीचा वातावरण तयार होत आहे. एकीकडे भाजप आणि उपमुख्यमंत्री एकनाथ शिंदे यांची शिवसेना युतीच्या चर्चा करत आहे.तर दुसरीकडे उपमुख्यमंत्री अजित पवार हे राष्ट्रवादी काँग्रेस शरदचंद्र पवार पक्षाला एकत्र घेण्याचे समीकरण मांडत आहेत. अशात ठाकरेच्या सेनेने आणि काँग्रेसने घेतलेल्या या निर्णयामुळे त्याचा फायदा कोणाला होणार याकडे सगळ्यांच्याच लक्ष लागला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.