Mumbai News : ठाकरे बंधू 20 वर्षांनंतर हिंदी सक्तीच्या मुद्द्यावरून 5 जुलैला एकत्र आले आहेत. राज व उद्धव ठाकरे यांनी वरळी येथे मेळावा घेत सर्वांचे लक्ष वेधून घेतले. मराठीच्या मुद्द्यावरून एकत्र आल्यानंतर आता राजकीयदृष्टया मनसे व उद्धव ठाकरेंची शिवसेना युती कधी करणार? याकडे सर्वांचे लक्ष लागले आहे. जपून त्यातच दोन दिवसापूर्वीच राज ठाकरे यांनी मनसेच्या प्रवक्त्याना युतीबाबत बोलताना सांभाळून बोलण्याच्या सूचना केल्या होत्या. त्यामुळे येत्या काळात युती होणार का नाही? याबाबत संभ्रम आहे. त्यातच आता येत्या राज ठाकरे येत्या 18 जुलैला मोठी घोषणा करणार असल्याने सर्वांचे लक्ष त्याकडे लागले आहे.
राज्यात हिंदी सक्तीच्या मुद्द्यावरून मनसे (Mns) आणि उद्धव ठाकरेंच्या शिवसेनेने रस्त्यावर उतरण्याची तयारी दर्शवली होती. त्यामुळे महायुती सरकारला त्रिभाषा सूत्राबाबत काढण्यात आलेले दोन्ही जीआर मागे घ्यावे लागले होते. त्यामुळे ठाकरे बंधूनी एकत्र येत पाच जुलैला मोर्चा ऐवजी मुंबईमध्ये विजयी मेळाव्याचे आयोजन केले होते. या मेळाव्याला उत्स्फूर्त प्रतिसाद लाभला. त्यानंतर पुन्हा एकदा उद्धव ठाकरे आणि राज ठाकरे यांच्या युतीसंदर्भात जोरदार चर्चा सुरू झाली आहे.
त्यातच अमराठी व्यापाऱ्यांनी काढलेल्या मोर्चाला प्रत्युत्तर म्हणून 8 जुलैला मिरा-भाईंदरमध्ये मनसेने देखील मोर्चा काढला होता. या मोर्चाला उत्स्फुर्त प्रतिसाद मिळाला. मोठ्या संख्येने नागरिक मनसेच्या या मोर्चामध्ये रस्त्यावर उतरले होते. त्यानंतर आता मनसेच्या आंदोलनानंतर 18 जुलैला मनसे प्रमुख राज ठाकरे हे मिरा रोडा येथे सभा घेणार आहेत. मनसेची ही आभार सभा असल्याची माहिती समोर येत आहे. त्यामुळे या सभेत राज ठाकरे (Raj Thackeray) नेमके काय बोलणार? याकडे आता सर्वांचे लक्ष लागले आहे.
मनसेच्या कार्यकर्त्यांनी मराठी बोलण्यास नकार देणाऱ्या एका मिठाई विक्रेत्यास मारहाण केली होती. त्यानंतर या घटनेचा निषेध करण्यासाठी मिरा-भाईंदर येथे अमराठी व्यापाऱ्यांनी मोर्चा काढला होता. मात्र, हा मोर्चा भाजप पुरस्कृत असून मराठी माणसांना डिवचण्यासाठी काढण्याचा आल्याचा आरोप मनसेने केला होता. त्यानंतर मनसेनं देखील आठ मार्च रोजी मिरा-भाईंदर येथे मोर्चा काढला. या मोर्चाला प्रचंड प्रतिसाद मिळाला.
मनसेच्या वतीने काढण्यात आलेल्या मोर्चात मोठ्या संख्येनं नागरिक सहभागी झाले होते. त्यानंतर आता राज ठाकरे हे येत्या आठरा मार्चला सभा घेणार आहेत. राज ठाकरे नेमके काय बोलणार याकडे सर्वांचे लक्ष लागले आहे. विशेषतः मनसे व उद्धव ठाकरेंच्या शिवसेनेच्या युतीबाबत काय घोषणा करणार का ? याकडे दोन्ही सेनेच्या कार्यकर्त्यांचे लक्ष लागले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.