Sharad Pawar : 'तो' एक प्रश्न आणि शरद पवार पत्रकारांवर संतापले; म्हणाले,'हा काय...'

Sharad Pawar News : राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनी शनिवारी (ता.15) मीडियाशी संवाद साधला. राज्यातील कायदा सुव्यवस्थेपासून धार्मिक तणावाच्या घटनांबाबत त्यांनी आपले विचार मांडले. मात्र, पत्रकरांनी विचारलेल्या एका प्रश्नावर शरद पवार संतापले.

जय पवार यांच्या साखरपुड्याबद्दल विचारल्यावर शरद पवार हे पत्रकारांवर चिडले. 10 तारखेला जय पवार यांचा साखर पुढा आहे. तुम्हाला निमंत्रण दिले आहे, असा प्रश्न पत्रकरांनी विचाला असता शरद पवार म्हणाले, 'हा काय प्रश्न आहे. काय विचारावं याचं तारतम्य तर ठेवा.'

बीड जिल्ह्यामध्ये सुरू असलेल्या घटनांबाबत देखील शरद पवारांनी आपले मत व्यक्त केले. ते म्हणाले, जो कोणी कायदा हातात घेतो, वातावरण खराब करतो, त्यांच्या विरोधात सक्त धोरण आखावे. बीडला वैभव प्रयत्न करून देण्याचा करावा. बीड जिल्ह्याला मी अनेक वर्षापासून ओळखतो. आज जी अवस्था आहे. ती कधीच नव्हती.

धार्मिक तणावाच्या घटना घडत आहेत त्यावर बोलताना पवार म्हणाले, हे सरसकट राज्यातील वातावरण असं आहे असं मान्य करणार नाही. पण काही ठिकाणी परिस्थिती काही बिघडली आहे. पण गैरफायदा घेणारे काही घटक आहे. अशांना सामोरे जाण्याचा निकाल राज्य सरकारने घ्यावा. सख्त कारवाई करावी. सत्तेचा गैरवापर आणि लोकांमध्ये जात आणि धर्म यातील अंतर वाढवण्याचा प्रयत्न करत असेल तर त्यांच्यावर कारवाई करावी.

दुसरे प्रश्न आहेत की नाही?

मंत्री नितेश राणे यांनी झटका मटण आणि हलाल मटण या विषयी वक्तव्य करत मल्हार सर्टिफिकेट आम्ही देणार असून तेथूनच मटण घ्यावे, असे भाष्य केले होते. पत्रकारांनी शरद पवारांना विषयी विचारले असता ते म्हणाले, मल्हार मटण हा हे काय राष्ट्रीय प्रश्न आहेत का? राज्यासमोर दुसरे प्रश्न आहेत की नाही?

(२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप)