Shivsena Ubt : शिवाजी पार्कात पोलिसांच्या विरोधात शिवसैनिक आक्रमक! परवानगी नसल्याने हायव्होल्टेज ड्रामा; उद्धव ठाकरेंचा जंतरमंतरवरील आंदोलनाला पाठिंबा!

Mumbai News : जंतरमंतरवर गेल्या अनेक दिवसापासून काक्रोच जनता पार्टीचे आंदोलन सुरु आहे. या आंदोलनाला पाठिंबा देण्यासाठी उद्धव ठाकरे यांची शिवसेना रस्त्यावर उतरून पाठिंबा देत आहे. सोनम वांगचुकांच्या उपोषणाला पाठींबा देण्यासाठी शिवाजी पार्क परिसरात रविवारी ठाकरे यांच्या शिवसेनेकडून आंदोलन केले जाणार आहे. या आंदोलनासाठी परवानगी नसल्याने पोलीस व ठाकरे यांच्या शिवसैनिकात वाद झाला.

दिल्लीतील जंतरमंतरवर सुरु असलेल्या काक्रोच जनता पार्टीच्या आंदोलनाला पाठिंबा देण्यासाठी उद्धव ठाकरे यांची शिवसेना रस्त्यावर उतरली आहे. मुंबईतील शिवाजी पार्क परिसरात कडेकोट पोलीस बंदोबस्त ठेवण्यात आला आहे. यावेळी शिवसैनिक व पोलिसात परवानगी नसल्याने व स्टेज वाढविण्याच्या कारणावरून वाद झाला. यावेळी शिवसैनिक आक्रमक झाल्याचे पाहवयास मिळाले.

माजी मुख्यमंत्री उद्धव ठाकरे दिल्लीतील जंतरमंतरवर सुरु असलेल्या काक्रोच जनता पार्टीच्या आंदोलनाला पाठिंबा देण्यासाठी २० जुलैला दिल्लीला जाणार होते. मात्र, त्याठिकाणच्या आंदोलनात व्यत्यय निर्माण केला जात आहे. सोनम वांगचुकांना उपोषणस्थळावरून हॉस्पिटलमध्ये दाखल करण्यात आले आहे. त्यामुळे या आंदोलनाला पाठींबा देण्यासाठी आता ठाकरेंच्या शिवसेनेकडून शिवाजी पार्क येथे रविवारी आंदोलन केले जाणार आहे.

या आंदोलनासाठी पोलिसांची परवानगी नसल्याने शिवाजी पार्क परिसरात शिवसैनिक जमण्यास सुरुवात झाली असतानाच याठिकाणी पोलिसांच्या विरोधात शिवसैनिक आक्रमक झाल्याचे पहावयास मिळाले. या ठिकाणचा स्टेज वाढवण्यावरून यावेळी पोलिस-शिवसैनिकांत हायव्होल्टेज ड्रामा पहावयास मिळाला. यावेळी पोलिसांनी शिवसैनिकांना शांत केले.

दरम्यान, सोनम वांगचुकांच्या उपोषणाला पाठींबा देण्यासाठी शिवाजी पार्क परिसरात रविवारी ठाकरे यांचा पक्ष रस्त्यावर उतरला आहे. या आंदोलनाला पोलिसांकडून परवानगी देण्यात आलेली नाही. त्यासोबतच स्टेजवरूनही पोलीस व शिवसैनिकाच्या वाद झाला. याठिकाणी रविवारी उद्धव ठाकरे यांच्या सभेचे आयोजन करण्यात आले आहे. त्यामुळे शिवसैनिकांनी मोठी गर्दी केली आहे.