Eknath Shinde Controversy : '50 खोके एकदम सत्य घटना, एकनाथ शिंदेंकडून 50 कोटी घेतले अन् तो आमदार गेला...', भाजप नेत्याने थेट नावच सांगितले

Tanaji Mutkule News : शिवसेनेतील फुटीवेळी उद्धव ठाकरेंची साथ सोडण्यासाठी आमदारांनी एकनाथ शिंदेकडून 50 कोटी घेतल्याची टीका करण्यात येत होती. 50 खोके एकमद ओके, असा नारा त्यावेळी ठाकरेंच्या पदाधिकाऱ्यांकडून शिंदेंसोबत जाणाऱ्या आमदारांच्या विरोधात दिला होता. आता भाजपचे आमदार तानाजी मुटकुळे यांनी 50 खोके एकदम सत्यघटना असल्याचे म्हटले आहे.

आमदार मुटकुळे म्हणाले, बाकीच्यांचे मला माहिती नाही पण शिंदेंकडून संतोष बांगर यांनी 50 कोटी घेतली. आदल्या दिवशी ठाकरेंच्या बाजुने बोलणारे बांगर दुसऱ्या दिवशी शिंदेसोबत गेले. आदल्यादिवशी शिंदेंसोबत गेलेल्या लोकांना शिव्याशाप देत होते. मात्र, अचानक ते दुसऱ्या दिवशी शिंदेंसोबत गेले मग त्यांच्या स्वप्नात ईश्वार आला होता का? ते पैसे घेऊन पळाले. शिंदेंसाहेबांच्याच माणसांनी त्यांना 50 कोटी दिले. ते शिंदेसाहेबांकडूनच पैसे आले असणार, असे देखील आमदार मुटकुळे म्हणाले.

संतोष बांगराचा तो दावा खोटा?

संतोष बांगर यांनी जाहीर सभेतून आपल्या घरी मध्यरात्री 100 पोलिस आले. त्यांनी आपल्या घराची झडती घेतली. यामागे आमदार तानाजी मुटकुळे असल्याचा आरोप केला होता. मात्र, बांगर यांच्या घरी 100 पोलिस गेले असल्याची नोंद पोलिस ठाण्यात नाही. त्यामुळे त्यांचा दावा खोटा असल्याची चर्चा आहे.

बांगर-मुटकुळे वाद वाढणार

हिंगोली नगरपंचायत निवडणुकीच्या पार्श्वभूमीवर संतोष बांगर विरुद्ध मुटकुळे यांच्यातील वाद वाढणार आहे. बांगर यांनी आपल्या विरोधात आमदार मुटकुळे कट रचत असल्याचे म्हटले होते. मात्र, लोक दोन तारखेला मतदानाच्या दिवशी दाखवून देतील की ते शिवसेनेतसोबत आहेत.