Ashok Kharat Wife : 19 गुन्हे, कोट्यवधींची संपत्ती अन् महिला शोषण… तरीही खरातची पत्नी सापडेना; प्रकरणात मोठी कारवाई कुठेही दिसेना?

Ashok Kharat News : वादग्रस्त कॅप्टन खरात गेले नऊ महिने पोलीस, एसआयटी आणि इडीच्या कोठडीत होता. या सर्व तपासात नवे मुद्दे नसल्याने आता ईडीलाही त्याची कोठडी मिळालेली नाही. त्यामुळे या प्रकरणात नेमके हाती काय लागले? हा चर्चेचा विषय आहे. बंधू कॅप्टन अशोक खरात यांच्या बेनामी संपत्ती आणि महिला शोषणाचे 19 गुन्हे दाखल आहेत.

गेले 9 आठवडे तो विविध यंत्रणांच्या कोठडीत होता. आता त्याची रवानगी न्यायालयीन कोठडीत करण्यात आली आहे. एस आय टी पथकाचे 27 अधिकारी आणि नगर व नाशिक पोलिसांनी अशोक खरात याचा तपास केला. यामध्ये सातत्याने राजकीय नेते आणि अँगल चर्चेत होता. मात्र एकाही राजकीय नेत्याला अद्याप अटक झालेली नाही.

राजकीय नेते अलिप्तच राहिल्याने तो चर्चेचा विषय आहे. भोंदू कॅप्टन अशोक खरात यांनी विविध मार्गाने कोट्यावधी रुपये जमाविले. सर्व संपत्ती त्याने पत्नी मंदाकिनी खरात या नावाने विविध जमिनी आणि व्यावसायिक मालमत्तांमध्ये गुंतविली. त्याचे सबळ पुरावे पुढे आले आहेत.

जवळपास अडीच महिने पोलिस आणि ईडी या यंत्रणांनी तपास करू नये खरात ह्याची पत्नी मात्र अद्याप कोणत्याही यंत्रणेच्या हाती लागलेली नाही. श्रीमती खरात यांनी अटकपूर्व जामीन मिळविण्यासाठी उच्च न्यायालयाचे दरवाजेही ठोठावले होते. त्यानंतरही फारसे काही हाती लागलेली नाही.

त्यामुळे कॅप्टन खरात प्रकरणात एसआयटी यंत्रणेने काय साध्य केले? हे अद्याप स्पष्ट झालेले नाही. खरात याच्या विरोधात नाशिक आणि अहिल्यानगर जिल्ह्यात आतापर्यंत 19 गुन्हे दाखल आहेत. बेनामी संपत्तीचे प्रकरण इडी हाताळत आहे. खरात याच्या विरोधातील गुन्ह्यातील गांभीर्य लक्षात घेता जामीन मिळविणे सोपे नाही. खरात प्रकरणात एसआयटी स्थापन करण्यामागील शासनाचा हेतू साध्य झाला की नाही, याची चर्चा सुरू झाली आहे.