Maratha Reservation News: मराठा समाजाला ओबीसी प्रवर्गातून आरक्षण दिल्याची जोरदार चर्चा सुरू आहे. यासंदर्भात ओबीसी संघटना आणि नेत्यांमध्ये अस्वस्थता निर्माण झाली आहे. सर्व नेत्यांना मंत्री छगन भुजबळ यांनी संयम ठेवण्याची सूचना केली आहे.
मराठा आरक्षण आंदोलनाचे नेते मनोज जरांगे पाटील यांना राज्य शासनाने आरक्षणाबाबत आश्वासन दिले. बाबतचा शासकीय अध्यादेश देखील काढण्यात आला आहे. या अध्यादेशाचा अभ्यास करून आणि कायदे तज्ञांची सल्ला घेऊन पुढील भूमिका ठरविणार असल्याचे अन्न व नागरी पुरवठा मंत्री छगन भुजबळ यांनी सांगितले आहे.
हैद्राबाद गॅझेटची अंमलबजावणी करण्याचा निर्णय राज्य शासनाच्या मराठा आरक्षण उपसमितीने मान्य केले आहे. त्यामुळे संबंधीत गॅझेटमध्ये उल्लेख केलेल्यांना कुणबी असल्याचे सिद्ध केल्यावर जातीचा दाखला मिळणार आहे. मंत्री डॉ. राधाकृष्ण विखे पाटील यांच्या नेतृत्वाखालील शिष्टमंडळाने याबाबतची मागणी मान्य केली आहे.
यासंदर्भात मंत्री छगन भुजबळ यांनी आपला विरोध स्पष्ट केला आहे. मराठा आरक्षणासंदर्भात राज्य शासनाने काढलेल्या जीआर मुळे संभ्रम आहे. याबाबत आपल्या ओबीसी आणि मागासवर्गीयांच्या अनेक संघटना, नेत्यांनी निवेदन देणे, मोर्चे काढणेअशा विविध मार्गांनी रोष व्यक्त केला आहे.
यासंदर्भात भुजबळ म्हणाले, या अनुषंगाने मी ओबीसींच्या नेत्यांशी चर्चा केली आहे. आम्ही सर्व जण कायदेतज्ज्ञ, वकील यांना यासंदर्भातील सर्व कागदपत्रे देऊन त्याबद्दल त्यांची मते घेत आहोत. शासनाच्या निर्णयाची देखील माहिती घेत आहोत. ही चर्चा करून आवश्यक असेल तर उच्च न्यायालय किंवा सर्वोच्च नायायालयात जाण्याची देखील दाद मागण्याची आपली तयारी आहे.
त्यासाठी ओबीसी आरक्षणात काय बदल आहेत, ते तपासणे आवश्यक आहे. या संदर्भात आपल्याला अनेक कागदपत्रांची जुळवाजुळव करावी लागणार आहे. सध्या राज्यात गणेशोत्सव सुरू आहे. अनेक कार्यकर्ते त्यात व्यग्र आहे. त्यामुळे कदाचित येत्या सोमवार किंवा मंगळवारपर्यंत या विषयावर न्यायालयात जाण्याचा विचार आहे.
या संदर्भात निवेदने देण्याचे काम सुरु ठेवावे. शांतपणे आपले म्हणणे सरकारी दरबारी नक्की मांडत रहावे. त्या व्यतिरिक्त उपोषण, मोर्चे, शासन निर्णयासंदर्भातील कागदपत्रे फाडणे हे सर्व त्वरित थांबवावे, उपोषण देखील सोडावे. अशी माझी राज्यातील सर्व ओबीसी कार्यकर्ते, नेते यांना विनंती आहे. आपण व्यवस्थित अभ्यास करून पुढील योग्य निर्णय घेणार आहोत.
-----
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.